كلمات اغنية الغياب هادي بن جابر 2022

الغياب و سبة الفرقا و تائنيب الضماير

هي عذاب المبلي المشتاق لا من غاب خلّه

ايتعزز لو يذوق الموت و يشوف العزاير

كل ما جاء يهتنى سيف الجفا خله يسلّه

واحد تعطي على لاماه و الشوفه بشاير

ترتجي منه الوصال و تتقي منه المذلّه

لو يعرفون العرب شيٍ تخفّيه السراير

ما حكو فيه البشر كثر الحكي دقه و جلّه

اعشقه ماني على حبه جزوع و لا مخاير

ولا عرفت اقطع وصال الحب من حبّه لا باللّه

شوفته تسوى الذهب و مقابله يسوى عماير

و الغلا و الزين في شرواه فرض الا جبلّه

لين شفت اقدامه لـ درب الجفا قد هي تساير

يهتدي درب الفراق و نيته غصبا تتلّه

يا سرابٍ مع مهب الريح في اللجه تطاير

يا وهام عشت في رجوى لقاه و فيه علّه

ليه في درب الهوى يأغلى الحبايب صرت جاير

و ليه لا وثّقت لك حبل الوصل دايم تحلّه

والله أني ما اتبع المقفي ولو بعده خساير

ولا اتبعت رجلي خطا المقفي ولا دربه تدلّه

أثر صدق أهل المحبه فـ الهوى عَميَ البصاير

‏امحق الله سعيهم ماهم على مذهب و ملّه