كلمات اغنية تبين سهيل هادي بن جابر 2021

تبين سهيل وذعذت باردت لنسام

ورجلي على المقعاد ماهي بمغصوبه

ألا ياوكيل الزام سلّم على أهل الزام

والارزاق عند الله والآجال مكتوبه

أنا كيف باقعد عقب ما صك موس دهام

خطيرن على راعي الولع يفتري ثوبه

راعي الطير يهل الصنف تكفون ماينلام

وناسٍ تعذرب ناقله زِين عذروبه

إلى زلّ من تسعه ثلاثين من ليام

وشدّو قطين العِد واخلو من الجوبه

وقام السحاب من المناشي يجيك اردام

قلايد وساميّه إلى ركّز انصوبه

عسى بارقه يسمُر على العرق والرضام

والى جاني اللي يذكر السيل في شعوبه

قطعت الدهر صوب الحيا والسعد قدام

ولا ابقي دليله وابخس البر ودروبه

معي تركمانيٍ مايفرط ولا قد حام

إلى طار خربه كنه معودٍ صوبه

عريض الثنادي بارز الصدر جبر عظام

مجسه يذكّر بسم ربي ومحبوبه

يعوق الخريش إلى حذفته عقب لِزام

ويحوّل بها مثل المضلي على دُوبه

كمايل لناسه هدّته واخوياي حشام

وشوف الخضار وشوفة النار مشبوبه

علي الحرام إنه دواء الكبد من لوهام

يطفّي لهيب شب في الجوف لاهوبه

وصلاتي وتسليمي على سيّد الآنام

شفيع أُمته في ساعتن تطلب التوبه