كلمات اغنية خلوني لحالي هادي بن جابر 2018

خلوني لحالي .... وخلوني لحالي

احسن لي ابقى عن الرديان في عزله

وابرك لي آسج بفجوج الخلا الخالي

من مجلس ٍ ما تميّز جدّه وهزله

تلقى هدورٍ يلج بصوته العالي ...

متغطرسٍ في كلامه طلعه ونزله

وليا حكى الجاهل من اصحاب الاموال ِ

.. هذا يجاريه والثاني يعزز له

والمجلس اللي يقلل قيمة الغالي ..

والله لآصد عن راعيه واعتزله

وانا مع اهل الوفا قدري ومنزالي ...

في مجلس ٍ شمّخ الرايات تركز له

مجلس الاكابر ليا غبت ايتهيا لي

وغصون قلبي تراعيه وتهزهز له

وان جيته القى علوم الطيب طوالي

علمٍ يسر الصديق وكلمة ٍ جزله