كلمات اغنية صدوق المشاعر هادي بن جابر 2025

يا ربي لك الحكم و لك الملك والتدبير

أنا في حماك من الصواديف متذري

قصرت الخطا والرأس ريّح من التفكير

يا عيني بعد طول السهر والعنا قرّي

مناديب شعري تطرق الباب كل عصير

يا ندّر بيوت الشعر الاول علي مرّي

جلست اتحرا لين حسيت بالتاخير

تحريت مدري ويش انا صدق متحرّي

صدوق المشاعر كان ما خانه التعبير

طواريق شعره تشرح البال وتسرّي

احب القصيد اللي على الناس له تاثير

ماهوب القصيد اللي من الشعر متعرّي

فقدت الشغف في كتابته واستماعه غير

شعتني قصيدة مريّ شالها مرّي…

معي فكرابو الطبب ولاعشى وفكر زهير

سبحت بخيالً ياصل الكوكب الدرّي

عزومي عزوم الذيب والنفس نفس الطير

وعن الناس وعيون المخاليق متوري

ماجالست خلان النميمه ونفخ الكير

وذا ما انذكر خيري فلا ينذكر شرّي

تلحقتو اللي غاب بالظلم والتزوير

وعليه ان حضر ما منكم احدً بمتجرّي

لا جاملتكم ياللي تويقون وسط البير

فقدت الحصانه وانكشف للعرب سرّي

من الحاسد اللي يحسدك لا تحرا خير

معه لا تسولف عن علومك ولا تطرّي

رفيقً تعودت الجفا منه والتقصير

رواقً تشيله لا يدفّي. ولا يذرّي

سلامي على اللي شامخً مثل ضلع النير

عن الماقف الغصاب ماهوب متبري

يقولون لي جساس واقول وين الزير

وش اللي يحط الذيب لاسحم مع الحري

من اصله ردي بتغيّره موجة التغيير

تغرّه سوالف كل واشي ومتزرّي *

يا كثر الخطايا اللي ما نلقى لها تبرير

وانا للخوي محزم وللهايب مجري