كلمات اغنية عبرة الحزن هادي بن جابر 2025

داهمتني عبرة الحزن في تالي نهار

يوم شمس العصر حال الجبل من دونها

حزتن لاجات مالي عن العبره فرار

خص لا اوحيت الحمامه تجر لحونها

لي ثلاث سنين مابين غار وبين نار

والليال السود صوبي تحد اسنونها

والخيال الي خذيته بعين الاعتبار

حولت الاحلام منه تجر اكفونها

من نبا علمن قبل لا يجيني ما استخار

دمر اقصور الرجاوي ودك اركونها

وانقطع حبل التأمل بعد وصل القرار

ساعةٍ والروح كادت تفيض اعيونها

الهوا مجرم بروحي ومعطيها الدمار

مالكن كل المشاعر ومالك كونها

ياخشيفن علق الوسم في قلبي وذار

مقتدي في سلم ليلا مع مجنونها

ارحم الي قبل شوفك من العالم مجار

صارفن شوفه عن اهل الهوا واشطونها

ياشبيب الحظ عن وصلها رفرف وطار

والحزن غرغر بروحن ضهر مكنونها

ياشبيب السد بيح وصابه لنهيار

وفزعتك للروح يابو محمد عونها

ياشبيب القلب عيا لغيره لنكسار

اكسرتني بنت ابوها وانا مرهونها

اتحلا نضرته لاطغا شوقي وحار

ولا نضرت اعيون اخوها نضرت اعيونها