كلمات اغنية ماطر الشوق هادي بن جابر 2025

متى يجود الحظ ونشوف لحباب

اللي لهم في القلب قدر ومهابه

والله مالي دونهم ناس وأصحاب

والقلب لو غابوا ترى سد بابه

يارب يالي بالدعاء تفتح ابواب

عبدك عليه الكون كشر نبابه

ياربي سخر للقى اليوم الأسباب

للي فؤادي بالمحبه رمى به

لين التقي به مرة بعد ما غاب

يسمع كلامي واستمع في جوابه

فداك عمري ماطر الشوق سكاب

يحيي الثرى ساعة يلامس ترابه

ما بادله بالناس لو كانو اقراب

هو للنظر مثل القمر والسحابه

لأجلك تفيض العين من بين لهداب

وبعدك تبكيني لحون الربابه

ونشفت زوله طاب له خاطري طاب

نسيت كل الي مضى من صوابه

رحبت به وفرشت له ألف ترحاب

في القلب له مسكن وسيعه رحابه