كلمات اغنية منصى الأمور الصعايب هادي بن جابر 2024

منصى الأمور الصعايب

سلامي على حفيظ الوفاء وافي الاشبار

بن كحله الي يعشق الطيب ويروووده

هذا زايدي (ن) فيه نخوه ودمه حار

يوم ان الردي فالواجبه تبرد خدوده

اتجي له وهمك فوق متنك مثل سنجار

وترجع اتلاحي ميحد الى عزف عوده

هذا درعنا الضافي هذا سيفنا البتار

على نهج ابوه الطيب ومنهج اجدوده

راكب اللي من اصناعته ما به شوايب

بعد امان الله بدرجه ضمان الوكاله

ابيض ياخذ من السم لا قده رايب

وماخذ من ونين الهرش صوت اشتغاله

اشتريته بمالي ما ضواني كسايب

وبيني وبينه لقطع الخرايم زماله

حالف ما يوقف بي على باب خايب

الردي جيته بدعه وقربه ظلاله

وجهته صوب من جاهه يفك الطلايب

وكل مضهار شمس فيه لاسمه جماله

صامل فعله لسوق المدايح سبايب

ذاك والله حفيظ الطيب حيه وفاله

ارجح ماخذ الامداح من راس شايب

يدبل المدح لاسمه كل ما جا مجاله

ولد عود يجري فالخطر كل هايب

يوم عاد الزمان الصلف تعرف رجاله

فالسنين الشحاشح عصر عوص النجايب

وكلمه ونعم من طيب الفعل تنثنا له

لو خذته الليالي تحت عوج النصايب

عاد سمعته حيه واحتموها عياله

ياسلامي على منصى لامور الصعايب

ذخرنا اللي نماري به وفعله الحاله

ودرعنا اللي عن اللابه بالازمات نايب

وان تقدم كسبها قبل لابطال طاله

ما لجوده شبيه الا غزير السحايب

يوم تنثر مطرها ما ترجا بداله

فزعته تسبق الفزعات عند النوايب

ركن طيب على الشده يظلل اظلاله

زايدي عن الماجوب ماهوب غايب

جعل جنسه كثير وجمل الله حاله

ابلج طيبه لقاصي العرب والقرايب

واصوك من بني عمي عمامه خواله

نزبنه كل ما كبرت علينا المصايب

ويقلط الها بوجهه لابيض وحرر ماله

وان غدا في لامور امور قاد الكتايب

ينهي الكايده حبر اقلمه واتصاله

ان نفع مانشرها مع نسيم الهبايب

وان عطا عن يمينه ما تكلم شماله

وقفه المرجله في سلم ولا حرايب

يظفر بها حكيم ماهو ايضيق باله

ومكسب الطيب فرصه والمراجل وهايب

وكلمه ونعم صعبه ما تجي بالسهاله

يمتلكها الشجاع اللي يحل النشايب

ويفتقدها ذليل حيلته دون حاله

مالها مجلس عند الرخوم الزلايب

تعشق اللي عن الماء ما تقصر حباله

لاتراخا عن الواجب قريب الحضايب

قام من يدفعه للطيب مجنا شكاله

عن مديح الكفو باموت ماني بتايب

وجحدان الجمايل من فروع النذاله