كلمات اغنية كبرت هشام حمزة 2026

كبرت من غير حضن زي الورد العطشان

وغربه بين الأهل دنيا نسيتني زمان

نيكوتين علي قهوة ليلي سهران في الزكريات

وحنيني ليك ازيني ومعدتش بدي امان

كبرت ولسه بجري يمكن الحق الايام

بكا وهموم ووحدي ومعبي بالالام

موش لاقي اي راحه وبدور ع السكات

وسط الندم بعيش والموت هو السلام

يابا مليت يابا من قلة الكلام

الدنيا معاندة معايا والحاله ماهيش تمام

الحظ لما شافني سألني انت مييييين

وانا كل حاجه عكسي وعايش والسلام

لا ليا عزوة وضهر زي بيت مالهوش أساس

لا قريب بيسند يوم ولا صحبة زي الماس

لوحدي في الحكايه مجبر علي الطريق

ولساني لو نطق هكسر وش الرخاص

الدنيا علمتني مطلبش اكتر ما اعوز

في خلق عرفتني اكتر مما يجوز

بدخل جوه النفوس ادور علي الحقيقة

بس الحقيقة توجع و الخلق كلاب فلوس

يابا مليت يابا من قلة الحظوظ

الدنيا معاندة معايا قولي امتا افوز

نفسي ارفع جائزة بإيدي واكون البالون دور

ليه دايما واقفه ضدي ليه دايما ضاربة بوز