كلمات اغنية راجعين وائل كفوري 2025

من بعد ما فقدنا الأمل بوطن إلنا

وعِشنا بغُربة عن وطنّا غصب عنّا

بلحظة وعي وصحوة كانت غايبة عنّا

شبكنا إيدينا مع بعض وقلنا قلنا

راجعين نِعمّر وطنّا

الوطن بحاجة إلنا

ومَنّو لواحد مِنّا

لبنان لكل ولادو

يمكن نحنا تأخّرنا

ولبنان ضلّو ناطرنا

نطرة بيّ لغايب إبنو

قاعد يبكي ع بعادو

راجعين نِعمّر وطنّا

الوطن بحاجة إلنا

ومَنّو لواحد مِنّا

لبنان لكل ولادو

غلطنا كتير وهالمرة

مش رح منعيد الكرّة

حتى الايام المُرة

ينذكروا وما ينعادو

راجعين نِعمّر وطنّا

الوطن بحاجة إلنا

ومَنّو لواحد مِنّا

لبنان لكل ولادو

لبنان بيعمر برجالو

بهمّة شعبو وأبطالو

وحياة سهلو وجبالو

بدنا نرجّع أمجادو

راجعين نِعمّر وطنّا

الوطن بحاجة إلنا

ومَنّو لواحد مِنّا

لبنان لكل ولادو