كلمات اغنية عايزه معجزة وردة 1982

مين دا اللي ياخدني منك

ولا يبعدني عنك

مين هو مين مين بس مين

دا هواك يا نور عينيا وعد و مكتوب عليا

ومسطر ع الجبين آه ياعيني ومسطر ع الجبين

والناس مستغربين على إيه مستغربين على إيه

دا هواك يا نور عينيا وعد و مكتوب عليا

ومسطر ع الجبين آه ومسطر ع الجبين

حالة فيها استحالة ماتفسرهاش قوالة ولا شكوى ولا أنين

أنا عايزة معجزة

تنجدني من الحنين

أنا عايزة معجزة اكبر من السنين

وأقوى مني ومنك والعالم أجمعين العالم أجمعين

يا كل المنى يا روحي أنا

أنا كنت فاكرة بعدي حيخفف نار عواطفي

ولا الزمان حيمحي اسمك من بين شفايفي

أتاري البعد عنك خلاني حتة منك

والناس مستغربين على إيه مستغربين على إيه

دا هواك في قلبي ولا شيء يغيره

لا الهجرة ولا السفر ولا تلوين السهر

ولا تغير الهوى و لا حب اتصوره

لا هي الحكاية بعدك

ولا هي الحكاية قربك

دا أنا في الحالتين بحبك و بدوب لهفة و حنين

أنا بتحدى الوجود كل اللي في الوجود

إني ما في خيالي بيني وبينك حدود

والناس مستغربين على إيه مستغربين على إيه

دا هواك يا نور عينيا وعد ومكتوب عليا

ومسطر ع الجبين آه ومسطر ع الجبين

حالة فيها استحالة ماتفسرهاش قوالة و لا شكوى ولا أنين

أنا عايزة معجزة

تنجدني من الحنين

أنا عايزة معجزة اكبر من السنين

وأقوى مني ومنك والعالم أجمعين العالم أجمعين

ايه ايه بعد الحب ايه ماحنا منه يا ناس وإليه

دا مافيش في الدنيا حاجة ممكن تقدر عليه

ايه مين يقدر عليه

مين مين مين قلبه في إيديه مين دا هو قولولي عليه

دا مافيش في الدنيا عاشق غير بخته بإيديه

مين مين بخته بإيديه؟

و أنا وانت حكاية حلوة للقسمة والنصيب

ما فيهاش جديد يا روحي ولا فيها شيء عجيب

بس الحب الحقيقي لايام دي شيء غريب

والناس مستغربين على إيه مستغربين على إيه

دا هواك في قلبي و لا شيء يغيره

لا الهجرة ولا السفر ولا تلوين السهر

ولا تغير الهوى ولا حب اتصوره

حالة فيها استحالة ماتفسرهاش قوالة ولا شكوى ولا آهات

أنا أنا عايزة معجزة

تنجدني من اللي فات

أنا عايزة معجزة تمحي لي الذكريات

وإحنا في زمن يا عالم ما فيه معجزات