كلمات اغنية حالي بعد غبتي وليد الشهري 2023

كن الجفا طوّل … وكن الغلا زاد

وكنّي على قربك ادوّر وسيله

في غيبتك … ماكنّ لي ربع وبلاد

وانا معَروف اسمٍ و فعل و قبيله

حالي بعد غبتي مثل حال بغداد

الامن ضايع والسعاده بخيله

كنتي ملاذي كل ما احسّ بـ سهْاد

اجيك واغفى بين عنق و جديله

شعرٍ … خذا لونه من قلوب حسّاد

واطول من وجْيه الرجال الطويله

وان جيت حضنك قلت للحزن وش عاد

انا زبنت بـ حضن ينجي دخيله

في قربك افراحي ثلاثيّة ابعاد

وكل الليالي في وصالك جميله

تغنيني عيونك عن … الشرب والزاد

وصوتك ينسيني هموم ٍ ثقيله

سبحان من خلّاك لـ جروحي ضْماد

وسبحان من حطّك لـ ضحكي دليله

عودي علي واحيي من القلب ما باد

مشتاق لك … والشوق مافيه حيله

انا ضحيّة كبريا ذات … و عناد

والكبريا فـ الحب … ذنب ورذيله

انتي تعالي … خلّي العشق ينعاد

الى متى وارض المحبّه محيله

ويومٍ يجيبك يـ الغلا يوم ميلاد

يستاهل انّا نحتفل فيه ليلـه