كلمات اغنية يامليح المزايا وليد الشهري 2025

يا مليح المزايا يا مليح

أنت الأوّل على عرش الجَمَال

أسترِح فوق عَرْشِك أستريح

تستحِق المحبّة والدّلال

قلبي إحساسِهْ وحُبّه صريح

يَعْشَقك عِشْق يتعدّى الخيال

حِسنِك وذوقك ووجْهِك سميح

أنْتْ كامِل ولله الكَمَال

سْحْر وجْهِك ومنطوقك فصيح

أبتسِمْ وأنثُر السّحْر الحلال

أنت فوق الوصايف والمديح

فارق" بالحلا ما لك مثال

من غيابك ترى قلبي جريح

بَسّْ هَوّن على القلب وتعال

لا ذكَرْتِك وأنا سالي أصيح

أرحَمْ الحال يا صَعْبْ المَنال

لا تكون بوصالك لي شحيح

المحبَّة تبي صدق الوصال

أنْتْ وحْدِك لقلبي مستبيح

فدوة" لِك وأحْكُم بالعَدال

لو ظَهَر نَجْمْ في الكون الفسيح

مكتفي ما أبي غيرك بدال

ما يزَعزِع مكانك أي ريح

ثابت وشامخ" مثل الجبال

المهم ما يصح إلا الصحيح

أنت الأوّل بلا شَكْ وجدال

لا يهمّك وخلّك مستريح

كُلّما فيك آية من الجَمَال