كلمات اغنية اضحك يحيي بصل 2023

اضحَك وخلّي الدّنيي تِحلى

حاجْ مْنَكَّد حاجْ مْكَشَّرْ

صدّقني بالضّحكِةْ أحلى

وجَّكْ بتلاقيه منوَّرْ

حاملْ همّ الدّنيي ودايِرْ

ساعَةْ مضايَق ساعَةْ فايِرْ

ما تْخَلّي حزنَك عالدّايِرْ

يخلّي جوّ النّاس مْعَكَّرْ

ساعد غيرَكْ تِحلى الدّنيي

داوِ المحتاجْ بحنّيِّةْ

واغمُرْ قْلوب المنسيِّةْ

كُونْ الفَرحَةْ لْقَلب مْعَتَّرْ

تْطَلَّعْ حَولَك شُوفْ الزّينِةْ

بالعِشْقْ بْتُنبُض المْدِينِةْ

وضِحكاتْ قْلوب المسكينِةْ

بِـ كلّ حيّ وشارعْ تكبَرْ

وللتّواصُل أحلى معنى

لمّا بالواقع يجمعنا

خلّيك بهالفَرحَةْ مَعنا

تَـ الحُبّ الجامِعنا يِكبَرْ

صدّقني هالدّنيي ثواني

كلّ شي فيها بُكرا فاني

عُمرَك رايحْ ما لُه تاني

ارسُم الضّحكِة.. حاجْ مْكَشَّرْ

اضحَكْ.. ما تْقُولْ

مَهموم.. عَلى طُولْ

لِيكْ حَوَاليكْ

على شُو مْخَلّي الحزنْ يْطُولْ