كلمات اغنية يمكن بكرا يحيي بصل 2021

يِمكِنْ تشرق بكرا الشَّمسْ

وما تفيق تصبح عالنّاسْ

يِمكِنْ بكرا أحلى بسْ

ما تْلَحِّقْ بُكرا الأنفاسْ

ازراعْ الخَيرْ بغَيرَكْ حِسّ

الناس بأعمالا بتِنقاسْ

خلّي ذِكرى حِلوِةْ بين الناسْ

يِمكِنْ تشرقْ بكرا الشَّمسْ

وما تْلاقي الْ بتحبّو فاقْ

يِمكِنْ تكوي بُكرا النَّفسْ

دَمعاتْ مْرارِةْ الفراقْ

خبّر غيرَكْ شو بتحِسْ

الحُبّ اللهفِةْ والأشواقْ

خلّي ذِكرى حلوِة بين الناسْ

ارسومْ البَسمِةْ جوّا القَلْبْ

ومحّي هالآلامْ

ما تِكسُرْ قَلْب اللي حَبّ

لَوْ غِرق بأوهامْ

خفِّفْ عنّو تعب وكَرْبْ

مْرارِةْ هالإيّامْ

خلّي ذِكرى حلوِة بين الناسْ

يمكنْ تشرُق بكرا الشمسْ

وتِقلُب فينا هالأحوالْ

بْلَحظَة تلاقي كل شي خْسرتْ

جاهْ ومَنصب مع أموالْ

إلّا الخيرات اللي عمِلْتْ

بتبقى مهما قَلَب الحالْ

خلّي ذكرى حلوِة بين الناسْ

يمكنْ تشرُق بكرا الشمسْ

وتْصَفّي انتَ المحتاجْ

وتندَم عَ إيّام الأمسْ

الْ كِنت مْخَبَّى تَحت التاجْ

وتْعاتِب نفسَك بالهَمسْ

لْأَنَّكْ ما دعَمْت اللي احتاجْ

خلّي ذكرى حلوِة بين الناس

بالدّنيي بتلاقي الخَيرْ

اللّي عطَيتو أضعافْ

وبالأُخرى عَطفَكْ عالغَيرْ

لْميزانَكْ يِنضافْ

صَفّيها وأَعطي منْ غَيرْ

ما تمنِّنْ الضعافْ

خلّي ذكرى حلوِة بين الناسْ