كلمات اغنية شفت الورد يوسف الشهري 2025

احسب ان الورد ميلاده على خد البسيطه

لين شفت الورد بعيوني وشفت الحسن نابت

من يقول الطايف ام الورد ما شاف الخريطه

ولابعد شاف النماص شلون عقب الورد طابت

كن سلهامة نظرها في رضى القلب ومحيطه

مثل شمسٍ ما تطل الا مغيب وثم غابت

ثغرها نعمه وضحكتها على الدنيا وسيطه

من حلاها لو تعض شفاتها الثنتين ذابت

خدها كن الشفق من قبل لا احمض شريطه

ورد خوخن شرّبوه الطيب من عطر المنابت

كل عينٍ من هدبها في فوادي مستشيطه

وهقتني في غرام المجرمين الين تابت

كل جندولن عليه الثقل دقاته بسيطه

كم تمنته العقارب والرجاوي فيه خابت

في سنعها راس شيخ وفي تغنجها عبيطه

وين ما ترمي بضحكتها على الضلعين صابت

ماني معاند بختها والبخت يرضي غبيطه

وش يفيد قلوبنا الينعا وغر الروس شابت

ما نهاب الا هيامٍ يفتل الضلعان خيطه

واسمي اليا مر في طاري هوى العشاق ثابت