كلمات اغنية أفكارك النييره أسعد البطحري 2025

لو غبت عنك معزبي عدت ايام

هيهات م يفارق خيالي وجودك..

من وين ماصديت انا ألقاك جدام

في محفلن صوبه التزاحم وفودك.

تعزف لك حروف المشاعر بالانغام

كل حرف يحسب واحدن من جنودك.

وقلوبنا لك رفرفت رف الاعلام

وغنة طرب مالشوق لـ آخر حدودك.

ينام خالي البال وانت فلا تنام

لجل الوطن تسهر وتوفي عهودك.

افكارك النيره عطن روس الاقلام

مثل الدرر ي شيخ زانت جهودك

توجتها جلفار من عزمك اوسام

لين اعتلت بالمجد من عزم طودك

فيها التطور دام عاماً بعد عام

ماجف بالخيرات من نهر جودك.

ونعم لاوالله وبعد سبعة انعام

ينس من فوق المجرات نودك.

هي والله انك دمت للعز مقدام

ي شيخ يعلك دوم تحضى بسعودك.

الله يجيرك من تصاريف الايام

يامن تعلا للمعالي صعودك