كلمات اغنية السنافي أسعد البطحري 2026

السنافي 

بحر العرب يرسل نسيمه مندايب

واظهر نديم الشوق ماكان خافي

نبض الوفاء بين الضلوع المحاديب

وانا اتخفى لايبين اعترافي

قمت اتجنب عاليات المراقيب

والصدر من ليام ماهوب صافي

تاخذ معي حليله الفكر واجيب

غزايز افكاري ومضمون قافي

نوادر تكرم من الهزل والريب

احشم اقراها لاعثر كل هافي

العز مبدا والمراجل مواجيب

والموقف الوافي زهى كل وافي

يابوعدي الطيب مكسب هل الطيب

واسمك شهر بالطيب والفعل كافي

سلام مايقنب على مرقبه ذيب

سلام ماتسفي عليه السوافي

سلام يالحكلي حصان الاطاليب

سلام ياراس الكريم السنافي

حسن محاد اسمك خوي التراحيب

ونعم تخضع لك دبوب وعسافي

‎يا ابن الأصيل الي عليه المعازيب

‎يركون في وجت الشداد العجافي

‎و يابن الكريم الي علومه مكاتيب

‎بالعز و الناموس و الجود ظافي

‎لك بن قطن تاريخ ماله محاسيب

‎باعداد رمل البيد بيض الصحافي

‎امجاد حكلي بالمواجف مكاسيب

‎ناموس في ناموس جعلك معافي

‎طيبك وطبعك و الخلايق مراجيب

‎دنت رعود الغيث بعد المصافي

‎قمه على قمه توالت تراتيب

‎تاريخ بالامجاد كافي وشافي