كلمات اغنية فكرة جديدة ابو يوسف السلامي 2025

فكرة جديدة

وش اذي عــــــاد باقــي يازمـان المكايد

كل ما قلت باتسبر تجــــــي لـــي مكيدة

اصبح الحـزن عنــــــدي والمعانة عوايد.

صرت ما عـاد ابالي بالجــــــراح العنيدة

الخوي ذي حسبته مرزحــــــي بالشدايد

للاســف ما لقيته بالظــــــروف الشديدة

والـــذي ما حســــــبته درع لي بالوقايد

جابني حــــــن دعيته مثل صقرا لصيده.

دام والناس يبن الناس كــــــايـد وفايـد

والمقاصـــــــد عديدة والنــــوايا عديدة.

ساير الــي لهم فــ الناس تقــــــدير زايد

واترك الي لهم فــ الناس نقــــصه وزيدة

ناس تدرس وتتـــــــعلم عــشان الشهايد

وناس تدرس وتتـــــــعلم عشان العقيدة

حـــال بعض الاوادم مثل بعض الجرايد

ينشر اخبــــــار ماهي بــ الحقيقة اكيدة

وبعضهم جــــانبك ساعة وساعة محايد

مثل حــــال الجزيرة والحدث والسعيدة

وحال بعض القضايا مثل بعض القصايد

كل ما اشتيك تختم جــات فكرة جديدة

بعض الاحيان تامن وانت قرب المصايد

وبعض الاحــــيان تقلق والمسافة بعيدة

لا تصوب على صيـــــــداً اذا منت صايد

تفزع الصيد والا يوقـــعك بــــ المصيدة

ال.حـــــ.ـــر.وب صح علة مـا وراهـا فوايد

بس لجل الكرامــــــــــــة نعتبرها مُفيدة

مابه اخبث ولا اخطر من ح.ر.وب الموايد

بالعصور الجــــــــديدة والعصور التليدة

ومابه انسان فـــــ الــــــدنيا وماله فقايد

وكل انسان يترحـــــــــــم ويرثي فقيده