كلمات اغنية درب الهوى الوليد ال عامر 2025

الرجوم اللي علاويها منابر

جـوها لاهــل الهـوى كيفٍ مقـند

كنت عن درب الهوى مقفي واكابر

لين شفت الي طـوت راسٍ معــند

العـيون اللي طورافها مقابـر

كن ضـرب رموشها سـيفٍ مهند

والله اني كـنت يالمجـمول عابر

لين حدر خافقـي لاجـلك و سند

جـفت الاقلام ما فـيها محابر

من كثر ما اكتب عن همومي وافند

دوك قلبٍ رغم ما جا منك صابر

عن هوى الخفرات لاجل رضاك بند

انتي غايه تسـتحقين المــثابر

دولةٍ لعيونها جيـشي مجـند

الاوادم حـزة الشـده مخابر

لجـلك اقف للمـهالك وقفة النـد

أرفقـي يا بنت بعـيال الاكابـر

ما يليــق الجـور بالحـر المـسند