كلمات اغنية ليل الحنين الوليد ال عامر 2025

ليل الحنين 

بعد غابت الشمس ودنت وحشتك يا ليل من الارض والمرقاب

تولّى الحنين القلب واستسلم استسلام من تطارده دوله

انا البارحه للمقفيه مافتحت الباب وهز الحنين الباب

وهبّت بذكرى عاصفه وشلعت بابي ولافادت قفوله

تذكرت صوتٍ غير عن باقي الاصوات ولا ارتاحت الاعصاب

ماهو صوت عابر لاعبر ما يهز الروح بحسه ومفعوله

وقمت اتلفت في مكاني رجاء لقياك ياسيّد هوى الاحباب

وبعد التفاتي خاطري حالته حاله لو الناس من حوله

اشوف الوله والشوق قامت تحشْد جيوش ولافيهم اللي غاب

وانا واحد وكيف انطح جيوش ماتنعد وكيف اكسب الجوله

ياليت الهجر ماله طريقه على الاحباب ولاله محل اعراب

عشان الوصل بين المحبين ما تبقى خطاويه مشلوله

ياشين الهجر لاصار ماله سبب واضح نعده من الاسباب

يغير مناخ الوصل والحب كنّا اول نعيش أجمل فْصوله

لك الله بدونك ماتريّح و قمت اشوف وجيه العباد اغراب

مثل من تغرّب عن بلاده سنين طوال وهو للوطن يوله

انا ماعرفت الجاذبيه من نيوتن .. من اسلوبك الجذاب

بعد طحت في غبة غرام الهوى ياللي شفاياك معسوله

لو احوّل ( احبك ) بحر هاجت الامواج بلا ريب واستغراب

ويغرق بماه الارض مع ساير السكان مدى عرضه وطوله