كلمات اغنية دربي طويل ايمن قاطه 2025

دربي طويل وتايهٍ فيه ممشاي

مثل الغريب اللي مضيع دليله

يحدني وقتي على ضيم دنياي

ورضيت بالمقسوم لوهو قليله

يا طول صبري آه يا كبر بلواي

أخفي عن الأصحاب همي واشيله ..

أخاف أبوح بسر قلبي وشكواي

وتصير نفسي بين ربعي ذليله ..

أضحك ودايم بسمتي تسكن شفاي

من شاف حالي قال محدن مثيله ..

وأنا بجوفي هم والنار بحشاي

والجرح ينزف والليالي طويله ..

الضيق حلّ وماتت اليوم رجواي

ولا عاد لي غير الصبر من وسيله .

والعمر يمضي بي وحاير بمسعاي

محروم من طعم الحياة الجميله ..

يا حظي العاثر بك تعثر خطاي

يا حيلة الله ما فيَ اليدّ حيله ..

يا الله يا عالم بسري ونجواي

تشيل عن قلبي همومن ثقيله