كلمات اغنية وجه الزمان بخيت بن جابر 2025

اصبح الصبح ما قرب الكرى من عيونه

واحدٍ من وراء باب الحديد الرمادي

ما تمشّع عناه وما تلاشت طعونه

كل ما قال قرب الحل شاف الزهادي

بين ناسً ما يعرفهم ولا يعرفونه

لين صار يتشالا بالجلوس انفرادي

ايه صرت الغريب اللي لنا يذكرونه

اثرها تضرب الرجال بين الثنادي

شان وجهه الزمان وغيّر الوقت لونه

وطاحت الاقنعة ماعاد فيه انحيادي

وانا طيرٍ يطير ويسجد الليل دونه

في فصول المقيض وفي فصول البرادي

كم قطعت الطريق اللي بعيد متونه

طرقيٍ من ظروف الوقت حاديه حادي

وكل ما شفت لي غيثً تداحم مزونه

قلت لا شفت برقه جعل يسقي بلادي

واتشالى ويسلم خاطري من حزونه

لا تهادى نسيم الليل والجو هادي

وان ذكرت الحبيب اللي وساعٍ عيونه

منوتي فالبنات البيض غاية مرادي

رغم غبر الظروف اللي خذتني بدونه

كل ما قلت تقعد تنتظر قال عادي

في رجاء المقبلات بحول ربي وعونه

وصابرين على الشطات صبر المهادي

ياكثر من يمارونه ولا يشبهوونه

وانت ياللي تقلد داعج العين غادي

اتلع لا انتثر ليله وغطى متونه

من يشوفه يروح يهيم في كل وادي