كلمات اغنية أقدار الإله بـدر الـفـيـصـل 2024

أقدار الإله

ياوجــودي ، ماهـقـيـت الـعـمــر يعطينـي قفاه

إلـيـن مـاشــفـــت الليالي قـامـت اتبعثر بختها

بــيــن نفسٍ(ن) تايـهـه وظـــــروف ماعنها نجاه

انـا حـيـاتـي تـنـدرج لـــــي بالمـتـاهه سلطنتها

مشكلة نـفـسـي هــواهـا مايـبـي صخب الحياه

امـا الحياه اللي تكيد النفس ، ، معرف مشكلتها

لاغـــــرابـــه لــو بـيـوتـي تنتـقل بــيــن الرواه

مثل السحـابه فـ السما والقاف ينطق مرعدتها

والـغـريـب ان صـــار مـابـه شــي يلفت لانتباه

في عالمٍ(ن) ناسه بيـوت الشعر مايوم اشعفتها

اصـبـري يـا نـفـس ماجاتك ســوا اقــدار الإله

ان قال ربــي بعد ضيق النفس تنجين ابسعتها

شبوحي بعيدة مـدى وطموحي بعيدٍ(ن) مداه

وكـل كـلـمـة مـن فمي روس المعالي توجتها

ويـبطون روّاد الحسد عـن شـي بـالـقـمّـه تباه

الـعـالــم ؛ اللـي للسوالف والسوالف مرجلتها

مـا رضـيـت مـن المواقع غـيـر مشراف الغناه

واغتنيت بـ رفعـته والـقـاع بـ اهله مـن تحتها

فيني سطر يبـني طـمـوح ملـوك ويذل الطغاه

ولا حرّكت مركـاي ناسٍ(ن) …. للردى حركتها

وانـــت ياللي جـل مـن سواك واعطاك الوصاه

تميز افـكـار القصـايـد لـيـن تعــلـن غطرستها

ياوليفٍ(ن) غايبٍ(ن) ولا اعرف ارضه من سماه

انا مـحـال اكتب قصيده مــا تجيـبك فلسفتها