كلمات اغنية يبدا عمرنا تركي بن عبدالعزيز 2024

و هلي في بديع السما نور

و طلي بين حبات النجوم

و اقبلي يتبعك غيم بطلتك مبهور

و قولي للسعادة … جعلها دوم

تو يبدا عمرنا يا جعل كله هنا

تو يزها الكون في عيني انا

تو يضوي فيك صدري

و ينهمر لك وحي شعري

مو مهم اللي مضى … المهم انتي و انا

ابحرت في مركبي و اثري توحيتك

هذا شراعي و هذي لك مجاديفي

يا دانة الدر أنا في العين حطيتك

و لحفتك الجفن من شر و من زيفي

عذب قراح البحر حطمتي املاحه

هتانة في لجته يالطهر يا دانه

ربانك اللي حظى بك و انتي ارباحه

رحلتك هي رحلته و ازمانك ازمانه

ارسى لك الود و التحنان مصباحه

و دفته صوبك يا مرفا القلب و اوطانه

ما همه العاصفة و الموج ما زاحه

و متذري في العظيم الرب سبحانه

يا كوكب الزين يا تاجه و نبراسه

اقرا عليك الفلق و احصنك بالله

بهاك متفردٍ يا نبعه و ساسه

الظافي الوارف و من عاد يوصله ؟

يهيم فيك الفلك و يهل نسناسه

و يحوفك بغيمه و يذريك من ظله

اثمن من الجوهرة و اغلى من الماسه

الدانة اللي حوت هالزين ذا كله

غن يا ليل و اطربنا غنا

غن للبدر و تعد السما

ما نبي شيء دام احنا سوا

ابتدا العمر يا عمري انا