كلمات اغنية إلعبي بالقلب جازي الشمري 2025

إلعبي بالقلب لعب السامريه

والله اني فدوتن للي خذاني

هاتس لحني باللحون الشمريه

غاليً متربعً وسط المحاني

يوم جاني قلت حي الله مجيه

حي قلبً بالغلا يومه لفاني

ابشري باللي يسوق الشاذليه

لك مداهيل الحشاء داخل كياني

الغلا رفرف بقلبي وقلت حيه

حي طيف اللي عن العالم حداني

كنه موصي على بالي وصيه

م تغيب وباقين فيه اعاني

حبتس اللي شن حرب القادسيه

وانهزم قلبي بحبتس في ثواني

زينتس اللي ماخذ الاولويه

اشهد انتس بالحلا شي ثاني

العيون اللي طرفها كاحليه

الامام اللي يشوفه طاح فاني

والله انتس بالحلا ماتس سميه

كنتس البدر السماوي يوم باني