كلمات اغنية الحدود الشمالية جازي الشمري 2025

الحدود الشمالية

سقلي اللي يقعد الراس فنجاله

من بطون المكرمات العراقيه

افتح الجوال واتابع الحاله

وانشد العساس عن كل وسميه

ان لقيت العلم ولا اتعناله

شمري وهجوس صدري شماليه

راكب اللي كن فالزيك تمثاله

من حنى عرقوب وضحاً حداريه

ارخم فيه الردارات شغاله

مثل شغل الكامرات الحراريه

منوة اللي لا سرى جر مواله

لا غفى المبدول ومهشم النيه

مبعدٍ مسراه ومودع عياله

بليلةٍ ظلمى وغدرا وشتويه

خابرٍ مع فجة النور مدهاله

بالجلد دون الحدود الشماليه

لاحقٍ شفي ماهو ذكر وارساله

لا وقفت بكل مدراج سيلة

اخذ الجوال وادور ارساله

واذكره لاهل القلوب الهواويه

منوة المصلاح لا جر هوباله

في هوى وضحاً وصفراً عباديه

العلف لا عاد يطري على باله

عقب مد اللي عطاياه فوريه

يستريح من المكعب وغرباله

ولا يوجه نية السوق لوريه

يصبر سبوعين والنبت يعناله

في شمال الدار والديرة الحيه