كلمات اغنية عيون اللقا جازي الشمري 2023

عليك السلام الوافر , بكل وقت وحين

يامن غاب عن عيني ولا غابت اطيوفه

يقولون .. لابد اللقاء يجمع { الحيين }

وانا اقول لولا الوقت ما شانت ظروفه

سق الله يومن [ المواجه ] شبه روتين

وجلساتنا … بـ الود والشووق محفوفه

قبل دمعة الحسره تبل الجفن : وتبين

وتستوطن الاحزان .. في جوفي وجوفه

قضينا على حلو المواصل ثمان اسنين

ولا يوم نطري البعد , ولا نشتكي خوفه

وهجدنا الفراق اللي بسيفه طعن قلبين

وخذانا الحزن لـ مسامر الضيق بكفوفه

وتهنا ولا ادري وين وجهته وانا وين

عيون اللقا عن سكة الوصل مكفوفه

يا غالين ( لا غبنا ) عن العين .. يا غالين

بلاش العتب دام [ المعاذير ] مكشوفه

سمحنا من السجات ، ومجامل السالين

وش يسلي اقلوبن من البعد ملهوفه ؟!!

ترا ما [ يفج الصدر ] ويهل , دمع العين

سوا من تبي ( قربه ) .. ولا تقدر اتشوفه