كلمات اغنية لوعة الدنيا جازي الشمري 2025

الشعر مرباع الضلوع المحاديب

يطلق به الملتاع سبّق ركابه

يادرهمن والفن همومه مناديب

من لايعات الوقت واللي سطابه

اطلق لهن فكره بحلو التراحيب

وارها عليهن من فرايد زهابه

ناردبهن عدٍ وفير المشاريب

يرون ونرويهن بعز ومهابه

يرون قصيدٍ صاطيٍ بالمظاريب

بدعٍ جديدٍ مانجيبه نهابه

نصبر ونخفي يالجروح المعاطيب

لو الفرح ياغاب طول غيابه

صرنا لصكات الليالي معازيب

نصبح ونمسي والليالي تشابه

من لوعة الدنيا وقل المقاضيب

تلاشت الاحلام وسط الضبابه

نصافق الدنياء مثل عيشت الذيب

ذيب الغداري مالفابه غدابه

عقّد حواجبنا زمان التعاجيب

نضحك وضحكتنا عليها غرابه

ماننحني لضروف الايام ونغيب

اسود غاب نعيش في وسط غابه

احسن عزا الله عمرنا اللي غدا شيب

والصبر جعل الله يعوض شبابه

لاباس ياراسٍ تربى على الطيب

صبرك مثل نهج النبي والصحابه

وشكواك لله يالضلوع المحاديب

ربٍ عليم وكل شيٍ درابه

عليه شكوا همنا والمصاعيب

بامره يسوق الخير سوق السحابه

سبحانه اللي يعلم بخافي الغيب

عبده الياناجاه يشفي صوابه