كلمات اغنية خذاك الغياب حامد الضبعان 2024

خذاك الغياب ولا رساله ولا مرسال

وانا اللي عليك اكثرت وجدي وتنهيدي

انا اشعر بعد غبتي بلوعه وضيقة بال

وحزنن طواني لين بانت تجاعيدي

رحلتي وخليتي لي الهم والغربال

لعبي فراقك لين همي ثنى قيدي

انا منتظر وصلك ولكن غيابك طال

على غيبتك معلن شجوبي وتنديدي

ولازال باقي وسط قلبي عليك امال

اخيل السحاب ولا بنوه رواعيدي

لو انك تبي ترسل علي بس كيف الحال

حيت بي مشاعر ذاويه ياتلع الجيدي

وجودي وجود اللي من الضيم دمعه سال

خذو ذوده اللي بالملاقى صناديدي

بدوّن خلا صبّح وهو مامعاه ارجال

وساقو حلاله في خشوم البواريدي

تلفت وصاح من القهر والقهر سلال

وخلوه رجلي في بعيد الجراهيدي

انا ماذبحني غير ذكرى وشوف اطلال

وشوقن يعرضك في عيوني تراديدي

انا ودي اعرف يوم غبتي وش الاحوال

ودون الشفوف اتحول بعض التقاليدي

حلولات لو ان البنادم يجي بالمال

عطيتك حياتي كيف ماعطيك مابيدي