كلمات اغنية أنسام الهبوب خالد ال بريك 2024

أنسام الهبوب

سامحٍ بالي ومتضايق ولالي فاقه

وآهني اللي هموم الليل مايعرفها

الاوادم تجبر الواحد تضيق اخلاقه

ماني مكلّف بـ صاحيها ومتخلّفها

السعاده مع سهيل ومع طلوع إشراقه

يآخذ همومك من أعلى صدرك ويحذفها

يالله ب وسمٍ يخلي كل راعي ناقه

ياخذ اكثر من ٨ شهور ماعلّفها

كل ماخيّل خياله وارتخى بـ اشناقه

برقه يعلّم على الديره بعد يكشفها

كن برّاقه ليا جاك الهوى مستاقه

خد غيداً حاول الشاعر ولاوصّفها

مهرةٍ بين المهار السرد فيها طاقه

حاول الخيّال فيها ماقدر يعسفها

بنت شيخٍ مع ربوعه عهده وميثاقه

يفزع ويعطي ولامنه قدَم شرّفها

آخذ الدنيا بـ عزمٍ مستحيل إرهاقه

كل مامالت عليهم وقّف ووقّفها !

والرعود بـ عاليْتها من بعد برّاقه

كنها عزف الربابه عند من يعزفها

سيله ايحوّل على كبد الثرى وأعماقه

وكل مامرّ الحزوم الزاميه يجرفها !

وربّع الصمان دار ربوعي السبّاقه

في علوم الطيب حتى اخصامها تنصفها

يامطير انتم هل المجد القوي وأوثاقه

التواريخ القديمه صعبه تحرّفها

اهل صفراً ناهيه والا رقبتها دقاقه

تلتمخ وانظار كل اهل النظر تخطفها

لامشى عبدان وانسام الهبوب رقاقه

الحياء متبوع وأهله وقتها مسعفها

وكل ذودٍ درهمت يمه وهي مشتاقه

والبدو شدّت وويّتها بـ جنب غرفها

يم نبتٍ تلعب ارياح الصبا بـ اوراقه

صوت راعيها وراها والحياء يشعفها

والله اني من غلا سلطانه وحرّاقه

ودي ادنّق على النبته لها واقطفها

وكل وبّالٍ ركز بيته وشدّ رواقه

وشبّ نارٍ مستحيل ان الهوى يخلفها

والطراقي جوك من دارٍ يبون فراقه

كل منهم لـ اعترض له شغلةٍ ينسفها

والمعزب طرّف شماغه على معلاقه

والذبيحه عن عيون ضيوفه مطرّفها

وانفتح للشعر بابٍ مستحيل إغلاقه

وكل راعي سالفه بالسالفه يردفها

في محل زحولٍ تعشق الجميل عشاقه

وسالمينٍ من غثى الانذال وملقّفها

ماعشقت الا الوطن والرايه الخفّاقه

والسحاب اللي يحنّ ودمعته يذرفها