كلمات اغنية اتركوني لين قرص الشمس خالد ال بريك 2024

اتركوني لين قرص الشمس يملا الكون نوره

والله اني من زمانن فات م حالي ب حالي

من بعد فرقى عضيدي طاحت النفس الصبوره

والله ،، اني ،، ما توقعته .. يخليني ،، لحالي

الفراق اثر على نفسي .. و انا نفسي جسوره

جعل همن وسط صدري يارفيقي للزوالي

كم حمل قام به عضدي معي وقت الضروره

الحمول الي تهد جبال وتعسر الجمالي

كنت اشوفه واقعي واليوم اشوفه بس صوره

ويل قلبي صورته عيت تفارق من خيالي

من يقول الرجل مايشكي لخلق الله اموره

واحد يمشي على الارض الفسيحه مايبالي

ياسعود الشعر في مدحك تثنت لي شطوره

ماتثنت غير عصماً .. مستواها فالعلالي

يا وريث الي سمان الحيل تطبخ في قدوره

احتزم بك كل ماركب الرشا فوق المحالي

من ذخرك حزام ما يلقى من الايام جوره

وانت عونن للرفيق وللصحيب وللموالي

صاطين لاضاعت الاشوار ماضیعت شوره

كنك تقول بوجودي اضحك بوجه الليالي

درع جنبي وابن عمي وانت فزعتك مخبوره

منبعك من طيب جد وطيب عم و طيب خالي

انت راع الموقف المشهود والنفس الغيوره

نعنبو الي من فعولك ما يطوح بالعقالي

كل ما لجت عزاوي من تعزوی به اخو نوره

جيت مثل الغيث في قفر مهدد بالزوالي

دايم الغربي يبادر بالسعد عند الضرورة

ميزة ما توجد الا مع .. كريمين السبالي

لاحدتني صكت .. الدنيا وجاء لـ الدم فوره

نعتزي بك كلنا .. عن مدلهمات الليالي

ذاخرك عودن على فعل الوفا ماغاب نوره

يصنع المعروف دايم بالبعيد وبالموالي

زدت له ذودن طفاح زينها منه مغموره

كل ابوها زينهاااا ماله مثيل وضغط عالي

وجبت له سقس جديد وغرفة للي يزوره

من يجي وسط المراح يروح متريح وسالي

بادي سعود السنافي تمشي العالم بشوره

لاحتدم ضرب الرصاص الحي مزبن كل جالي

لاعطى يعطي عظام المال مدته مخبوره

غرب والا شرق والا فالجنوب وفالشمالي

حاتمي فالكرم مافيه نور فوق نوره

القبيلة غالية واللي يسد النوب غالي

.. ابن عمي و النعم مليون منا .. الشروره

جعل فدوته الضعيف اللي يغيب ولا يبالي

اخو زيد الي على الشدات تتبين شبوره

يطبخ راسه من الطنخة تقل يصلاه صالي

الشجيع اللي ليا شاف المعادي فج زوره

والله انه ما يبقي للجيوش العوج تالي