كلمات اغنية احتاج سجه في فجوج الارض خالد ال بريك 2025

اليوم هـذا ماهو بفارق لا ليل ولاانهار

اقسمت بالله ما يروح اليوم بافكاري سدا ..

من قوّة الواهس شعوري ما يكفّيه المدار

صرت اتفنن مثل عبدالله حبيّب ف الحدا…

م احتاج قهوة ساخنة واشعار غسان ونزار

احتاج سجه في فجوج الارض و احتاج اهدا

في ديرةٍ فيها الحزين يقرر لوضعه قرار

دار ما فيها .. غير موجات الثريّا والندا …

فيها صليب الراي ماله غير فكره مستشار

يرتّب الاوضاع ويحط الخبر والمبتدا……

الحاجه ام الضيق وام الهم وام الانكسار

يمكن تردي واحدٍ ما خلق فعروقه ردا

ما ودنا .. نخطي على المخطين ونزود العيار

خل الليالي تاخذ … الزلات .. والشرهه فدا ..

رجلٍ جروحه ما يضمّدها .. لا مال ولا مطار

ما عاد لجروحه .. من الحرمان والهم ضمدا

يا كم ويا كم عشت فالايام لحظات انتظار

والرزق … للانسان مكتوب ان مشى ولا عدا …

راضي بما تجري به الاقدار … واللي صار صار

وقناعتي تسوى ثمان قصور في حي الهدا ؛)

.

واللي ف عينه شاف الأرض بوسعها كبر الزرار

.. ينزل مع القديه ويفهق مرات وثرمدا …

فحريملا .. يلقى الكريم اللي عن الزله مجار

اللي يحل المعضلات لواحدٍ … ماله جدا ؛)

في مزرْعته .. اللي ما سماها بالاسم المستعار

بـ اسمه وتفخر بـ اسمه السلمان لا ماله مدا

من حرّ ماله .. ماهي بمّده من طوال العمار ..

يستاهل اللي فعله يجملّ وله صوت وصدى

راع المكارم والمراجل و الفعايل والوقار

رجلٍ ليا من حانت الوقفات ما معه معدا

ماهو غريب انّا مسمّينه … عدو الادخار

اما يصوّت للعشا ولا يصوّت .. لـ الغدا

يمناه ما تحسب حساب المال وصكوك العقار

هذا حزامٍ ينفع الاصحاب ويضد العدا

نواف ابن عمي عقيد القوم عسّاف المهار

عضيد من ماله من الايام والناس عضدا …

محامي سليم العريقه … فالمواقيف الكبار

بالحجّه اللي تفلج الاخصام … والراي القدا

اي والله انه حرٍ ينومس .. ومن ماكر حرار ..

ويا طيب رجال بنهج الطيب والجود اقتدى