كلمات اغنية اخوان يوسف خالد ال بريك 2024

دوب استواء المسراء على طارة الجيب

من بعد مابدلت قطعة غياره

فللت بنزينه بضخ الانابيب

وانا على ماقيل سواق طاره

ابعد عن الانظار واصد واغيب

لعيون جمهوري وازف البشاره

اختارها عمهوج من شمخ النيب

كن الطهيمي خصها باختياره

من زينها اللجنه تشوف التعاجيب

الكل منهم قام يصدر قراره

الله حماها من هل الشك والريب

في نخبة النخبه تحوز الصداره

ترضى البدو عنها وترضى المعازيب

حكامنا ال سعود عزم الجساره

اشوم عن خوة قريب المحاضيب

تنبي بما يخفي طريقة حواره

لاتحقروني لو غزا راسي الشيب

نوري تجلى واكتسبت المهاره

افك صفحه ماهي بصفحة الويب

فيها المزايا الناضجه والاثاره

لو يدعون اخوان يوسف على الذيب

غيابة الجب احتفت بانتصاره

عندي لعطران الشوارب مواجيب

كرامة الرجال تحفظ وقاره

حياكم الله عند راعي الترحيب

ريف الضيوف الابلج تشب ناره

الشيخ حاسن معتلي قمة الطيب

عزالله انه شيخ من بيت اماره

النادر الوافي منزه عن العيب

المدح في شرواه ماهو خساره

بالمختصر يملك درايه واساليب

واثبت نجاحه في مجال التجارة

حنا بني سفيان نوفي المطاليب

تابا شيمنا مانداني الحقاره

سقم الدجارا باليالي الغرابيب

ننطح جهام القوم في كل غاره

نقلط على حد السيوف المحاديب

لاثورت في القاع عجت غباره

خطلان الايدي للمنايا مناديب

يُخشى غضبهم بصريح العباره