كلمات اغنية اطيب الذود خالد ال بريك 2024

اطيب الذود 

مرحبا ترحيبنا الي نقوله كل يوم

ونشرح ابه اصدور ضيفاننا الي تسمعه ..

مرحبا ترحيب يسمع من الابه عموم

ماهوب ترحيب قاله ثلاثه وربعه

السحاب الي ترادم وهل العصر ماه

رحمة حلت على الارض واسقت خدها

كنها من فوق صدري مزحزحة صفاه

يوم مطلعها لقيته وذعذع ندها

علمو عجلان عني بقافي ومغزاه

النوادر للمزاين بحايل ودها

والله انا وسط حايل مثل سلمى واجاه

الجبال الي رست والهوا ماهدها

المزاين يوم جينا وحولنا عللاه

نرفع اعلام التحدي وحنا قدها

نادو الي بعد ماشافنا عود وراه

راح يطرد في بكاره وعنا صدها

لاقدم عجلان في شوط حقق مبتغاه

نظرته في الزين والعرف محدً ندها

الامير الي ينومس ونعطي من عطاه

جود كفه في الكرم مايبح سدها

حول بندر بكاراً تشد الانتباه

ندراً تعجب عيون العرب وتلدها

كنها يوم عرضت في تلذاع ونباه

رغم كبر الروس جرد الرقاب تمدها

لمشت كنها تبى تشرب الغيم بسماه

زينها لاهل النظر مثل ماهو ودها

احذفو عنها الاجله ولا تبغى وصاه

مالها منافس فالاول وعني ردها

يوم اغني فاطيب الذود عندي من غلاه

كني املك خزنة اسويسرا وعدها

المدح في زين مطنوخه ايزود حلاه

بدها ياهاجسي بالقصيده بدها

ساس هرشاً في الجزيره فريداً مستواه

كل راعي نادره في نحره يحدها

كم فقيراً من بناته يبشر بالغناه

اغتنى من بيعها و الوازم سدها

كل شقحاً فارق زينها عند القناه

التحاليل الاكيده عليه اتردها

ولاقدم صف الشماسات في حزة ضحاه

الجموع ايضدها والجبال ايهدها

الشماسات اهل هيبه واهل فعل وجاه

في القبايل عزوة مايزعزع حدها

لابة يدرى غضبها صناديد دهاه

هيبة تشبه لجزر البحور ومدها

شوش ياعجلان وفخر على طول الحياه

قدمك الغلبا بالامجاد يفرق بدها

عادة اسبيع العزيزه مطوعة العصاه

العدا تبحث خفاها نهار تضدها

مجدنا ماهوب توه تناقله الرواه

مجدنا يوم الهنادي وسطوة حدها