كلمات اغنية البل مواريث الجدود خالد ال بريك 2023

البل مواريث الجدود

ليل الشتاء لا قام يسرق بعض ساعات النهار

ثم اتسع حلق الوجار وقام ياكل ف حطبه

راح الفضا في عيني اضوق منك يا عين الزرار

وفضى خيالي قام يقرب مشرقه من مغربه

والشاعر احياناً يمر بمرحلة شبه انهياار

و اللي منول يعجبه لو أيعترض مايعجبه

مشتت الي ايام اصبح دار وامسي دياار

مثل الغريب اللي زمانه حده و صعب أطلبه

شاعر واحب الناقه الصفرا وفي راسي شنار

واحب لي غروً عفر واحب ربعه بسببه

ان قلت احب الصفر قام الزين يومي بالخمار

وان قلت احب الوضح راح الخد لون الحبحبه

وكلش يهون مع المواقف والمواجيب الكباار

اليا تحملها الرجل في سد دقنه وشنبه

أقدم بعسرات الصفر ماعني وعنك أعتذار

من دون باب العذر عن شرواك مليون عتبه

والمهرجان العالمي دونه مباااح الانتحاار

أسرح بـ شولٍ سمع طاريها المنافس و ارعبه

في دبرة اهلها على صالح وتعزيز ووقار

يالين صفوها و جات أذهبتن تدف اذهبه

كنها بنات بعير واحد فالتناسق والعمااار

وهي على شيكً المذهب حي راسً يكتبه

راس الفهيدي مايقند غير بالصفرا الخيار

و فنجالها لو انه من الدم الاحمر يشربه ..

كم واحد راحت ملايينه علئ الناقه دماار

دام النظر غااادي نهايتهاا ماهيب أمشببه ..

ولا أنت راعي ناقه و من روس متعبة المهار

تضوي الفرديهه اللي زينهااا ماااله شبه ..

سرداً تميز بـ العدال ووجها يقدح شرار

وكن في طرف عرقوبها سبرنق مافيه عصبه

معلقٍ عظم أرقبتهاا بالسمااء ماش أنحدار

و لحيهاا كنها سيوف الهند مافيهاا أخنبه

يانعيس لا ترحم ولا تاوي و زود النار نار

يالين حتئ اللي ماهو في شوطها الها ينتبه

يانعيس تفخر بك عتيبه كلهاا و الافتخار

من حقنا فاللي سنام الطايله من مكسبه

صبح هل الشوط المحدد لين تظهرهم يسار

و اركبهم الدرب الوعر و أخرجهم من الذبذبه

صاهد منيف علاجه اللي دون زعجول البكار

يلطم رقم واحد لا جاء قدم المنصه ضبضبه

والمسرحيات العظيمه لو تحااك ولو تدار

أهدم جميع مخططات العالم المتسببه

البل مواريث الجدود و( عز أهلها) بـ أختصار

عند أعتلاجتهاا تروح أرواح وتقص أرقبه

وشعارنا ( عز لاهلهاا ) الله يديمه من شعار

يعزهاا اللي حبها من حبه لـ روس أعربه

و ان مثلوها اهل الملاعب بالطواريق القصار

حنا لها ،، قبل تمثلها صفوف الملعبه