كلمات اغنية الحزن باين على الوجه تاثيره خالد ال بريك 2024

الحزن باين على الوجه تاثيره

وقوف اللزوم اصعب ولا قمّة المطلاع

يطيح الرجل دونه ولاطاح تقديره

مثل ماعيون الشعر تعشق طويل الباع

عيون الحسد تضمى على الشّر والغيره

ياكثر الضغوط اللي على الخاطر الملتاع

غدى صايغ المعنى مثل صايغ النيّره

سبب ضيقةً مثّر وجعها على الاضلاع

عليها المسكّن والكتفلام تصبيره

اثرها مثل حال ورثى عيد ابن صعصاع

تشوف الحزن باين على الوجه تاثيره

وياوجه البسيطه لو تجينا بوجه اسباع

ثبتنا على ميل الزمان ومقاديره

وانا شاعرً يطرب على مدحة الفزّاع

ماني شاعرً غنّى لجل خاطر منيره

ادّور على الابداع مابحث عن الايقاع

لجل ترضي الشاعر وترضي جماهيره

يالعّـاج ديموم الشعر بارقه لمّاع

عسى يمّته حفلً تلافى مساييره

عرفنا فهد قدام وقفه وطول ذراع

على لازم الشرهين مابان تقصيره

وهذا يومً ايحث النشامى للاستطلاع

على وقت تاريخه تواصى خطاطيره

سلامي سلام الصادق اللي صداه ايذاع

على الضيف والعاني وعلى مقدّر الجيره

باسم سالم سعود الذخير الشفوف اجياع

تجيه الجموع اللي تقول انها امغيره

هلا مرحبا ترحيبةً والصدور وساع

على من لفى من داخل وخارج الديره

على محفلً فيه التراحيب بالاجماع

وعليه الذخير تذيع لاقصى طوابيره

لابالله يابوسعود لاشانت الاوضاع

اماري بمثلك واخذ الضيق تقزيره

عليك المديح ايساق والنعم لك ينصاع

كريم النبا ، جزل العطا ، طيب السيره

وريث الجدود اللي خذتهم بطون القاع

هل المجد واركانه وساسه واباطيره

اسعود الذخير وكفّه اكرم من الذعذاع

ياطور المديح افلح وهقواتك اكبيره

تخلج العشاير في طرف بيته المرباع

وعلى مجلسً تبرك سمينة مضاهيره

وراعي اشقيرا طيّب الراس والاسناع

ورد للنعايم غصب محدً ورد غيره

خذو والنعّم يوم النعم حدّها بتّاع

سلامي على طيب الفعول ومشاهيره

ولا الصيت مجاني وترى الطيب ماينباع

واحد سالكً دربه واحد عاكسً سيره