كلمات اغنية السمعه العطره خالد ال بريك 2025

السمعه العطره

لو ان منت بـ وريث شداد ماقدموك

‏واخذت امور القيادة كلها من إلى

‏والشله الي خرشت قلوبهم وكرهوك

‏تاكد ان حولهم ( شكّه وفيهم بلا)

‏اما انت تكرم ي اخو مفرج ماحولك شكوك

‏حتى لو الناس ماحطو عليك وكلا

‏والحاجه اللي تبرطهم بالحجاج الضحوك

‏يقلط لها مثلك وشرواك ولأ فلا

معتلي في راس عيطاء مربّ للوحوش

مطلق عنان الفكر للثرياء والجدي

مدهلي لا ضقت من مجلس وصاله وحوش

يطرق الهبّاب صدري وليلي سرمدي

شاعرن وأبني لي عروش وأهدم لي عروش

عاصبً راسي على العز ومشمّر يدي

الحياء وعلوم الأخيار ينقلها الطروش

والوفاء بين المطاليق قبلي وبعدي

وأنت يالحر القطامي ويالوجه البشوش

صلب جد نفتخر بك ودرعي وسندي

أصوك الجمهاه واليا زهم طبعه يشوش

سيفنا اللي فالنوايب يرد المعتدي

من يمينك نشت مجداً يتعـّب من ينوش

والنعم ينساق الى حضرتك يأبومهدي

يالدريم أعداء نجاحك حواسيد وخبوش

حطـّهم تحت قدمك يا أبن عمي وسعدي

سمعتك عطره ومن دون ابن عمّك تهوش

الجمايل كل ما جتك تنطحها عدي

نوم عيني في ضحى الهوش والليل الدغوش

الحمايا فيك عاده يا أبو كفً ندي

من زحول ألاد عارج مفرقة الجيوش

أهل صفر الخيل والسيف والسدْ المدي