كلمات اغنية الصامل خالد ال بريك 2022

الصامل 

سلامي على اللي تنقل العفش والزهاب

قبل لا يـجـي للـفـرت شـاري وبـيـاعي

لها دور في عهد النبي سيد الأحباب

وكالة فضاء قبل المحطات تنذاعي

وسلامي على اللي ما حسب للظروف حساب

ولا تـثـني عـزومـه تـقــلاّب الأوضــاعـي

فـاران المـسـمّى ما تجمّـل بكـثر ألقاب

تجمّـل بفـعـلٍ يجعل الصعب مطواعي

يسمونه الصامل على الموقف الغصّاب

يسجل لنفسه بصمـة إعجـاب وإبداعي

شهادة على الميدان ماهيب عبر سناب

خذاها بيمنى تطوي أكمام الأذراعي

تَـجَـمّـل مع اللي تطوي القاع كنها داب

إذَا حضّـرَت في شـوطـها فِـجّ الأكـواعي

إسروب الظباء اللي تجبر الخاطر المنصاب

إذا قَـبّـلَـت كَـنّـه يـصــوّت لها الـداعي

إتفز وتروع لا أحتـرك فوقها الـركّـاب

ومن صـوت الآلـيـات تَجْـفِـل وتـرتـاعي

إذا حـرٍّكت تبعد وتصعب على الطلاب

إتشك إن مواطيها ماهي تلمس القاعي

تـغـادر ســواة أم الـجـناحيـن بالركاب

إذا جـت الأوامر للـكبيـنه بالإقــلاعي

يرحب بها الجمهور ترحيبة السحاب

مثل ما يرحب في سنا البرق نِـجّـاعي

عليها شـعـارٍ عن رمـوز الذهب ما غاب

شـعـارٍ على هـامـات الأمـجـاد لـمَّـاعي

بإسم شيخنا اللي جود كَفّه كما السحاب

تمـيـم الـعـطـا سمح النبا طايل الباعي

جـعـل من بـلاده دُرَّةٍ تـسـحـر الألـبــاب

ورفـاهـيـةٍ للـشـعـب من كـل الأنــواعي

وسوق المطايا زان حاله وهو قد شاب

بالأسـعـار صـارت كـنّـها منتج صناعي