تاريخ طرح اغنية خالد ال بريك الجديده العزله عن الجلاس
٢٤ أبريل ٢٠٢٥
كلمات اغنية العزله عن الجلاس خالد ال بريك 2025
سريت الليل يوم اظلم ويوم ادوابي الهوجاس
ابي مفرق طريق من يمره ضيقه يمره
فرقت ورحت متعوذ من الوسواس والخناس
اشوف البال متكدر ، واشوف النفس مضطره
ماعاد ابغى البلد وافضل العزله عن الجلاس
مادام الصدر له شهرين كنه صف مغتره
اشيل الهم في صدري وعندي فالضمير احساس
ابي شي يسلي خاطر المهموم ويسره
.
انا احب الطريق اللي يبعد عن هروج الناس
لو انه في حجا ضلع ولو انه في حصا حره
ابا اعيش الحياه بقلب مايكره ولا يحتاس
مادام الوقت دايرةٍ ظروفه والعمر مره
وش اللي نستفيده من هروج النذل والبلاس
ليا ارخيت الاذن شفت العنا والغبن والحره
ياكم نسمع علومٍ مالها بين النشاما ساس
لو ان الهرج مايخلف حكيم العقل ويضره
لكن البعد عنها زين وعقول العرب مقياس
مابين عقول متزنه ،،، وبين عقول منجره
ماابي هرجة رديٍ للنميمه شعله ومقباس
ياطيب المقفي اللي سالمين الناس من شره
يحسب انه ليا سولف كذا مافوق راسه راس
مايدري انه على دربٍ يهين الرجل ويغره
احب الطيب اللي ماعرف ذله وضعف وياس
نجاحه مجدٍ يخلي كبود اعداه محتره
عيونه شبحها قدام ودروب العلا نبراس
ولاهو ملتفت للي خلافهم جالهم صره
يعيش النادر الوافي قوي المعرفه والباس
كريمٍ من وراه الخلق مقتنعه ومستره
ولا يامحمد بن ذياب مالك فالعباد اجناس
سوات الحر الاشقر وانت حر ونظرتك حره
نعرف المرجله بحر ونعرفك سابح وغطاس
ليا غصت البحر مكسبك منه اللول والدره
وابوك فعوله الجزله ماهي حبرٍ على قرطاس
من فعوله يلج الكون من بحره ليا بره
لاقلت ذياب ولا قلت هذا مبعد الارماس
ابن متلع ماتلقى له على الدرب الردي جره
وربعه محتمين الذود لامن دقت الاجراس
يوم ان الوقت غزوات وحروب وكره وفره
ذوي ميزان فنحور الاعادي جالهم مرواس
ليا دقت طبول الحرب ،، والايام مفتره
مطير اليا تعلو فالمعارك فوق قب افراس
تبي تلقى الجنايز فوق كبد الارض منثره
مطير اهل المواقف والفخر كسابة النوماس
مااحد يجرا على عزوة مطير ولااحدن يشره
اغنية العزله عن الجلاس خالد ال بريك 2025 بالكلمات مكتوبة كاملة من كلمات محمد النخيش تم طرح اغنية خالد ال بريك الجديدة على القناة الرسمية على اليوتيوب بتاريخ ٢٤ أبريل ٢٠٢٥ كوبليه كلمات اغنية
- كلمات : محمد النخيش
