كلمات اغنية امجاد الخوالد خالد ال بريك 2022

امجاد الخوالد

في درب صلف الطواري لـ الحمايا حضور

النفـس في دربهـآ ما قـل مقدارهـآ

الضعف و الهون مايقبل بـ كل الامور

وعز النفوس بْـ عزيمتهـآ و بـ اصرارهـآ

ما عاد فيهـآ ممالا يـبن عمي و شـور

غير اني اجيب عصماً ندر افكارهـآ

عن خطف الانضار والالباب ماني معذور

عيون الابداع صوبي لدت انضارهـآ

عين الصواب اني اكحلها بـ نبع الشعور

و الهزله اعوفهـآ .. و الجزلة اختارهـآ

في ساحة الشعر ما يلحق قصيدي قصور

و مـا تجهـل اسمـي ، منابرهـآ و شعارهـآ

اما قصيدً على صم الصفا و الصخور

ولا لابوها قريحه لابو اشعارها

يا محمد ابشر بعزك دام راسي يفور

والله لا اخلي القصيده تصطلي نارها

ابوك خالد ولد مقحم طويل الشبور

اللي ليا كبرت القاله حما كبارها

ابن صقيه الحميه و السطر و الدجور

اخو زهيه جموع القوم نحارها

اليوم يوم السعد يا مرحبا بالحضور

في ليلتن حفلها حي الله حضارها

يا مرحبا مرحبا منا لْـ يوم النشور

عداد برق الحيا و المزن و امطارها

من ربعي اللي لهم بـ المجد سكة عبور

يـوم ان شبـة الجزيرة ثايـر غبارهـآ

ال سحبان الاسم والفعل .. يملا السطور

في ذهـن الامجـاد فعـلً خُلـد اذكارهـآ

وقع الخوالد يقصر كل صوتً جهور

يملا صدور العرب و يبيح اسرارهـآ

عملة ودولة وحكم اربع قرون معمور

من هبس هباس هجرً طالت اسوارها

يوم الاصايل تدابك و البنادق تثور

اخوان شما يوم انها طشت اخمارها

خوالدن ضربنا فالراس ولا النحور

منا و عنا يرود العز مغوارها

حنا وساع الصدور مقلطين الهجور

لضيوفنا حقوقها تبشر بمقدارها

حنا هل الخضرتين مرجحين الامور

خوالدن حاكمين الشرق و ديارها

حنا سلاطين شرق الدار ماض العصور

لا من لفيت الحسا قدامك اثارها

تشهدلها اوقافها و تراثها و القصور

تشهدلها صكوكها في مدة اعمارها

تفاخر اللي من امجاد الخوالد فخور

شاعر لا غنا القصيده يصطلي نارها