تاريخ طرح اغنية خالد ال بريك الجديده تشوش لامن ولع الجو دخان
٢٨ فبراير ٢٠٢٣
كلمات اغنية تشوش لامن ولع الجو دخان خالد ال بريك 2023
يشغلني غيابي وفي بعض الاحيان
تاتي مشاريه .. النشاما كبيره
لي هاجسٍ يحرم على كل خملان
عامين ماعيّن .. حدٍ يستثيره
لاكنّ لاشفت ابلجٍ مثل سلمان
مدحه يكفيني على مدح غيره
من هجوسٍ يخلف السواق من ربطة حزامه
دق سلف وفوله .. بنزين والطرقه بعيده
القريحه مشغلته .. وحطها كل اهتمامه
لين خلّا كامرة ساهر من أجله مستفيده
اسر ياليل الشمال .. وعدني راس العدامه
العلاقه بيني وبينك .. من البارح وطيده
فوق هرشٍ لا سرا مع عتمة الليل وظلامه
واستوا خط الشمال اللي من المركوز سيده
غلطة اللي همّل الطاره .. وحاديله منامه
واستلمت الجيب انا والله يدبّر مايريده
جيب فكسارٍ تحنه من غشيم ومن اهلامه
ودك انه مايسوقه .. غير شغموم ووليده
مطلقٍ قيده واسايس دعسته وارخي خطامه
كل ماكنّه بعد نمره هجع عوّدت ازيده
سايقه مايبغي الشرهه .. ولا بعض الملامه
لو ظروفه كوم والدنيا .. ملخبطةٍ رصيده
يشغلني غيابي وفي بعض الاحيان
تاتي مشاريه .. النشاما كبيره
وانا جنوبي كل ماورد ضميّان
مايارد الا عند .. دلوه وبيره
لي هاجسٍ يحرم على كل خملان
عامين ماعيّن .. حدٍ يستثيره
قريحته شرهه وابوها كحيلاااان
عند ابلجٍ .. للبدو سبّل ابعيره
مقياضها الصمان واطراف ساقان
ومرباعها ماهوب في كل ديره
ابعد معشّاها من فلان وفلان
كله لعين ام الوشاح النضيره
لاكنّ لاشفت ابلجٍ مثل سلمان
مدحه يكفيني على مدح غيره
رفيق واسنافي على مر الازمان
ماغيّر الوقت اتجاهه وسيره
امعيضين اصوك ومطنوخ واحصان
ياجعل تفداه .. اليدين القصيره
وشلون ما امدح نجم عزٍ ليا بان
تشوف نوره في سموم الظهيره
من ال صالح يوم الاسماء لها شان
ذخيرتن للي .. يبيله ذخيره
تشوش لامن ولّع الجو دخان
شواشة الفرّيس يوم المغيره
يبن مهدي ياويش عذر ابن عبدان
اليا قضا لازمك رجّال غييره
يامرحبا واعداد .. ماهل ودّان
وانشا من القبله وقبقب هديره
ترحيبةٍ تمطر مثل غر الامزان
تنقل مناشيها .. قناة الجزيره
على الشحم وظهور حيلٍ ورسلان
في محفل فيه الجموع الغفيره
في ضف عودٍ كلمته حد شامان
يقنع به اللي .. مايحكّم ظميره
لامر ذكر ابيك .. في كل ديوان
يطول وجهٍ جاب لـ ابيك سيره
ابوسعود وعون من خاطره شان
ريف المسيّر والوجيه السفيره
عقب له ازحولٍ على سرج واعنان
كلن على الطاله .. يحثه مسييييره
وانا وابو سويّد ترا اكثر من اخوان
ف .. ايامنا الاوله .. والاخيييره
اغنية تشوش لامن ولع الجو دخان خالد ال بريك 2023 بالكلمات مكتوبة كاملة من كلمات خالد بن عميان تم طرح اغنية خالد ال بريك الجديدة على القناة الرسمية على اليوتيوب بتاريخ ٢٨ فبراير ٢٠٢٣ كوبليه كلمات اغنية
- كلمات : خالد بن عميان
