كلمات اغنية حرب الفخر خالد ال بريك 2024

يا هاجسي عطنا القصيد اللي ماهو وزن وكلام

يسمع له اهل الذايقه ويجمل اللي قالها

شاعر واصيغ المفرده وادرى قصيدي من الملام

مثل ما يدرى راعي الدله طعم فنجالها

اعسف صعيبتها واطوعها على احسن ما يرام

ماكنها الا مهرةٍ مرخي الرسن خيالها

من عقب ما جت دعوة الصاحب نبا نشد الحزام

علي ولد مسفر ما خلى طيبه ما نالها

في الليله اللي ضوها يقسى على لون الظلام

برقٍ برق من مزنه غراء وجاء همالها

يا مرحبا ترحيبةٍ على معزه واحترام

باسم ذوي مسفر هلا باللي نصاها وجاء لها

هلا هلا يا مرحبا في حِلة اصحاب المقام

روثان والروثان بالماقف يا ما اطيب فالها

اللابه اللي لا التقى الصفين وحان الالتحام

تقلط على حياض المنايا ما تهاب قتالها

ما تذبح الا من عيال الهرش مردوم السنام

قبيلةٍ على الكرم دايم كريم سبالها

مبروك يا عبدالمجيد وجعل عودك للرحام

ناسبت لك قوم تنومسنا فعول رجالها

ذولا مطانيخ الرجال اللي تضيم ولا تضام

والناقه الحمراء ما تبغى غيرهم وبالها

تلقى مداهلها بواد الحمض وترتع في سلام

واليا نواها المعتدي يرجع ما فك عقالها

من ولد محمد صفهم دايم مكانه بالامام

عون الرفيق ان ضدته بقعاء وميل حالها

ويا حرب يا حرب الفخر في سلم ولا في جهام

والله ليشيب القاف ما احصي مجدها واخصالها

ماني بقايل بالطلاق ماني بقايل بالحرام

اقول بان الارض ما تثبت بغير جبالها

وافعال حرب تثبت التاريخ عامٍ بعد عام

كل الفعول المعجزه ورجال حرب ابطالها