تاريخ طرح اغنية خالد ال بريك الجديده حن هل الناقه من اول وذلحين
١١ أكتوبر ٢٠٢٤
كلمات اغنية حن هل الناقه من اول وذلحين خالد ال بريك 2024
حن هل الناقه من اول وذلحين
اسرجت قبا تدحم الجمع وتبين
صبحا على وضح النقا فالمهمات
من مربط دونه غدا الصدر تامين
وعسايفه صمخ البيوت العديمات
في مدح بن ريمان سقم المعادين
شيخ الفعول اللي طروقه مخلات
النادر الصامل سعوط المجانين
تركي ليا جات الامور الصعيبات
سيف لنا في حزة العسر واللين
ومدات كفه تنزع الفقر لا جات
من الدواهي والرجال المسمين
اعيال مشعل مسرجين الكحيلات
لطامة العايل وقضاية الدين
عاد الليالي والسنين المخيفات
وياحي ذا اليمنا وياحي ذا العين
ياهل الرموز الاوله والوشاحات
وحنا ليا قلنا دحمنا الميادين
وسقنا النوادر واحتكرنا البطولات
مانزعج الا كل صمخ من الزين
يسلب قلوب اهل الدبش فالمنصات
نسق العديم اللي ثمنها الملاين
اللي تباريها الغرف والمعدات
وضح البكار معمقات البعارين
اللي نقلط من نوادر مضيمات
رثم الخشوم مقوسات العرانين
اللي تمد رقابها للمجرات
خطواة دلخاً لحيها فوق شبرين
تومي براهية السبال الطويلات
وهزعا توخر نيها وانفهق لين
ماعاد لحبال الفقاير مساافات
وحنا هل الناقه من اول وذلحين
فالحرب سادات وفالسلم سادات
دارت رحانا فوق حب المعادين
قدام ترسيم الدول والحكومات
حنا الجحادر ملحقين المخلين
اهل القناواهل السيوف الصقيلات
قوم بن هادي مشبعين السراحين
لصبحت جرد السبايا مغيرات
وان جا صباح مثل صبح على تين
صبح يورخ مثل صبح الشريفات
جوك قحطان مرجحين الموازين
اللي لهم في قمة المجد رايات
اغنية حن هل الناقه من اول وذلحين خالد ال بريك 2024 بالكلمات مكتوبة كاملة من كلمات عايض بطي المشعلي تم طرح اغنية خالد ال بريك الجديدة على القناة الرسمية على اليوتيوب بتاريخ ١١ أكتوبر ٢٠٢٤ كوبليه كلمات اغنية
- كلمات : عايض بطي المشعلي
