كلمات اغنية راية المدح خالد ال بريك 2024

راية المدح

انا .. يالربع قدلي سنه ماني بـ مضبوط

عسى .. السيل .. يبطي مايوقف تدفّاقه

اغني .. وانا .. ضايق واغني وانا مبسوط

ماتفرق معي .. مشغول .. ولّا على فاقه

لاجاك الضعيف وقال شفت البحر مشفوط

تعجّب .. ووحد .. واحدن ضيّق آفااقه

لو ان .. الحيل ماتمشي الا على الشبوط

توهق .. به الطاروح .. وانقطعت ارزاقه

تساق البيوت النخبويه على ابن شوط

وعلى طاري اسمه .. راية المدح خفّاقه

من العود الازرق لا مسقّى ولا مخلوط

هدية .. محبٍ ساقها له من اعماقه

ندل العرب لـ النور لو ماهو بـ مغطوط

مثل .. مايعلم .. بـ الحيا .. نوض برّاقه

صبيٍّ .. دفع مهر ونعم نوط ينطح نوط

وعطاها .. الامان انها ماتشكي من فراقه

سبايب .. مقولة ذا كرامة وذا مسفوط

ماتلقى مع .. ابله لا مفرّد .. ولا حقاقه

راعي مجلسٍ .. يدهل ولا زلّه بـ مسفوط

مكانه .. رفيع ويدله الضيف فـ اشناقه

من .. اربع جهاته للمواتر عليه خطوط

وعليه .. أطيب ظنون الرياجيل منساقه

عليّ الحرام .. اني على خوته مغبوط

مثل .. مايغَبط اهل الحيا راعي الناقه

تجملت يـ النوبي ولا مدحي بـ مغلوط

وقصيد الثناء معطيك عهده وميثاقه

ترى اللي يحسب ان المراجل بدون شروط

غشيمٍ .. لاذوقته .. صلَفها .. رقع ساقه

وسيع البطان يطيب لو هو عليه ضغوط

وقريب الشبوح ادناة مايفحص اخلاقه