كلمات اغنية ركن الزكور خالد ال بريك 2025

استأذن السمار والليل العتيم

ماعاد للمجلاس والسمره طراه

لي هاجسٍ محْتدّني مثل الغريم

يبا القضاء مني وثاره ما نساه

ماهوب فالاطلال لاهب النسيم

اليا خلت عقب التجمع والحياة

ولاهوب فاللي عين صقر وعنق ريم

راع الهواء محدٍ يلومه في هواه

لاوالله إلا فيك يالمجد المقيم

اللي تخلد مثل نقشن في صفاه

هازوه لكن عجزو اعيال الحريم

من طاول اطول منه مايلحق مداه

حنا مراغينن من العهد القديم

اسمٍ تعلا مع عطارد في سماه

قيفٍ جموعه تعدل اعوجه الخصيم

وما تعدّل لارحم ساسه وطاه

حنا هل الأمجاد والفعل العظيم

مثلوثة يوم الفقر تدرج رحاه

وليا تغيشم في معرفتها غشيم

في ذكرها وده بلفت الانتباه

نقول له عوّذ من ابليس الرجيم

الشمس ما خفا نورها كم العباه

ذا فعل ابن قطنان يا العقل السقيم

من سطّر التاريخ ما يلحق جزاه

اللي تحت الأجداث وعظامه رميم

ولازالت افعاله على قيد الحياة

هذا الكريم اللي يسمونه كريم

قبل السناب وقبل تصوير القناه

قال ارتفع فالرجم ياعبد النعيم

اصدح بصوتك ناد في كل اتجاه

ناد الخلاوي والمجلا واليتيم

وكل امعسورٍ بات ما ياجد عشاه

حافظ وآنا عمك على امرٍ مستديم

أنا سعد من بذت الدنيا خفاه

شيخ ٍ من السبعان له رايٍ حكيم

ركن الزكور امطوعة روس العصاة

اي والله السبعان والمجد العظيم

على الجزيرة نشبه اجبال السراه

من رنية الفيحاء ليا حد القصيم

وحدر ليا حد التريبي ودهناه

في كل دارٍ ناخذ القسم الجسيم

أدهاه ونسلط على روس الدهاه

حنا هل الغلبا هل النهج السليم

اللي يطوّل روس ولسنة الرواه

واليوم في حفل العديم ابن العديم

اللي يجملنا مع العالم نباه

يا مرحبا من سلم ولسان وصميم

ترحيبتن تأخذ من العنبر شذاه

أنيابةٍ عن راعي الكف الكريم

ابو فهد جعل الله ايطول بقاه

متعب ومتعب( متعب عيال الحريم )

راسٍ من الدنيا يذرينا ذراه

مدات جوده كنها هتان ديم

اتعلمك فرق الشيوخ من الرعاه

منصا الهقاوي لا نفذ صبر الحليم

دمث الجناب وكل ميقافٍ حماه

لا راحت الدنيا كبر خف الظليم

في ساعة تحتاج لك سترة النجاة

ازبن على اصوك راس من ذخر الجليم

وبشر بعزك والسلامة والغناة