كلمات اغنية روس الاكابر خالد ال بريك 2025

روس الاكابر 

البارحة سالمت كف الهم تسليمة وداع

وقعّت عقدً ساري المفعول مع حلـو الكرا

بدال ما اسري صرت احب اسرح مع نور الشعاع

لو كنت في ما فات اخاوي الذيب لا منه سرا

عرضّت وجه الجيب لـ الطرقة وانا فاهق انطاع

امر واطوف القرى وآقف لا جيت ام القرى

المقصد ، اطهّر ذنوبي لا وصلت اطهر بقاع

يغسل ذنوبي من بـ غيث المزنه ، يغسل الثرا

ويلي على ان البدر يطلع من ثنيّات الوداع

واسجد سجود الشكر واصلّي على راعي حرِا

ما ابرك من اغنّي قصيدً ما وراه الا الضـياع

غير ( الفلق ، و القارعة ، والزلزلة ، والم ترا )

احاول ابعد عن زخام الشعر قدر المستطاع

لاكن ما والله يردنّي يا كود مردود البرا

الكلمة الي ترهب الخايف ويدراها. الشجاع

اقولها والعين ما ترمش على روس. البرا

اقلط مقاليطً ما يقدرها الرعاع ابن الرعاع

والي تقدّم لـ الامام يجيه حذفً من ورا

مشيت في نهج ( الهجوم افضل وسيلة لـ الدفاع )

ولا مشيت ف نهج ( يا هل يعقل ، ويا هل ترُا )

انحت مضاريب القصيد الي توقع فالنخاع

لو كان جداني مقادم قوم ما هم بـ اشعرا

قمة كرا كلً عليها يستطيع الارتفاع

لكّن كم واحد قدر يثبت على قمة كرا ؟

اليا اومروني ربعي. العجمان اوامرهم تطاع

تكثر طواري بالي الا ، الخوف ما عمرة. طرا

وش عاد لا صار الحفل حفلك يا موفي كل صاع

هذي وانا خالك ماهي محتاجة لـ شور اشورا

اقلط وارحب عن بن ارتيبان ترحيبً يشاع

من قو صوته. يدري الي كان غافل ما درا

يا مرحبا في مرحبا يا ضيف والخطّر وساع

ترحيبةً ما هي لحد من دون احد بين الورى

الا على طاري بن رتيبان مفتول الذراع

في مدحه ابيات القصيده كنها تمسك سرا

كنا نظن الطيب فيك وعادك بسن الرضاع

واليوم مالي ثوبك وطالع من الظن و ورى

عمر عمَر له صيت يقنع به عديم الاقتناع

على بني عمّه ، مكاسر عود ، واكنان وذرا

يزبن عليكم مجرمً قامت تناهشه السباع

واليا زبنكم كن ما شيً على المجرم. جرا

عمانك اكعام العدا عوق الردا في كل قاع

وخوالك ازحول الفعول ومن دواهي ووامرا

جدك ترى معكام ابن طفلان زيزوم النزاع

الي جهر في كلمة الحق وخذا القوم اجهرا

سطر لنا في صفحة الامجاد تاريخً يذاع

مع انه الله يرحمة ما قد كتب ولا قرا

نبقى قبيلة فعلنا ، يطرد من الراس ، الصداع

ويلا جرحنا المعتدي .. يبطي وجرحه ما برا

حنا مع روس الاكابر شبر شبر وباع باع

ما هو بمن صالحهم ان حان التحدي والمرا

لو طالت ايام الحروب وطالت ايام الصراع

يمكن توليّنا مقاليد الحكم ، ما يندرا

يا كم كسبنا من لقيّ ومن ثني ومن رباع

ويا كم ذبحنا خيرة الفريّس في حم الذرا

من يمتلك فن الخطابة فوق حسن الاستماع

يقدرر يعد الحق ويضررّي به الـي ما ضرا

الا انكروها من ذممهم تنشرا مدري تبـاع

حنا ذممنا مستحيل ، اتباع ولا تنشرا