كلمات اغنية زهرة شبابي خالد ال بريك 2024

زهرة شبابي

ياليل يوم انه انتصف كبد السما البدر المنير

ساير حنينن كل ما اخفي ضيقتي يابينها

وانا ارسم احلامي براس العرق وارماله تطير

واعزومي الله لايهين بحظي ولا ايهينها

يالله بالخيره ، عسى في مقبل الايام خير

زهره شبابي ذبّلت يوم افهقت عشرينها

تنطحني الدنيا بصكات الظروف وتستدير

اواه مقساها عليّ وللعرب يالييينها

القلب فالاقفاص ماكنه سوى طفلا صغير

ومواجع الدنيا تقطّع فيه من سكّينها

اموت ولا ارجي من العالم كبر حبة شعير

الحااجه اللي تجبرك على العرب ياشينها

الحظ كنه شايبً مريض طايح فالسرير

ماعنده الا بنتن اتعيينه عسى الله يعينها

غيداً تقول اوجانها بدراً معى الثلث الاخير

اجي لها واروح منها والحزن في عيينها

انا سجين اعيونها الثنتين لليوم الاخير

اموت واحيا بين منحرها وبين ايدينها

تطلبني الشعر الحقيقي وانزف الشوق الكثير

يازينها لافرعت من سترها ياازينها

ماكنها الا بنت فكري عند تعبير الضمير

لعيون ربعي قمت امشّيها على رجلينها

اتقول سنّدني على التاريخ والصيت الشهير

الله ينصر دييين شاعرها وينصر دينها

خلوني استرسل معى وحيّ الخيال اللي يطير

ومشااعر العاالم اقلّبها على جنمبينها

انا معى الاوايل الشعار مانيب الاخيير

وين المواقيف اللي تنااادي علينا وينها

ياصاحبي دامي معك بالحال والمال الوفير

اترك مداوير الليالي بزينها وابشينها

آمر ومن عيني لـ عيني افداك والدنيا بخير

وانكان ماتكفيك وحده فـ اخذها ثنتينها

خل الفلوس اللي نولعها بـ نار وزمهرير

انكان ماسدت لزومك فـ العنة والدينها

سلّم على اللي فزعته عجله وميقافه كبير

لاقامت الدنيا تقلّبنا على وجهينها

الوقفه اللي تتعب الشرهين فاليوم الخطير

ماتنتهي الا وبينن وسمه على خدّينها

كن المدايح والهقاوي فيه من موكب الامير

اينوّخ الصعبه وايليّن باسها وايهينها ..

زامل بن مناحي ذخرنا سلة السيف الشطير

حيّه وحيّ الفزعه اللي تنحسم في حينها

جليس حكّام السعوديه ملاذ المستجير

يقدم على كبار المواقف لين يكحل عينها

اللي ماهوب يصير من وجهه ومن جاهه يصير

لاجاارت الدنيا على دندونها ومسكينها

فعل ابو تركي يمّن المضهود وايفكّ الاسير

سوّاا سوايا عنك غيره ماهم امسوينها

سميّ اخو هاله عذاب الشره بالشر الشرير

الطنيه الطنيه ستر من كحلت عينينها

جاتك يبو تركي نوادر شاعرن بحره غزير

والله ما اخليها يلين اتخاامسك بيمينها

مانيب يازامل معى شرواك امالي واستخير

يالله عسى تمهل لك الدنيا بطول اسنينها

الحاجه اللي تبرطم الضحوك فاليوم الكبير

ماتنقضي الا وانت من يسارها وايمينها

ثلابيًا من روس قومً مايزعزعها النذير

لاد الحبيبي عزوةّ مايفرح امعاادينها

اهل العشر شرابة الفنجال معمين المغير

عزوة مصارير السعد واسيوفهم مروينها

دواسرن سوّاقة العطفه على ظهر البعير

قبيلةن كسب الجمايل والفخر روتينها

خطلان الايدي فرقنا واضح وموقفنا كبير

اهل الديار اللي يكفّي بسمنا امسمينها