كلمات اغنية سلالة كليب خالد ال بريك 2026

سلالة كليب

البارحه في حدود الدار  مثل الغريب

والصدر لضيق وأنواع الهموم احتوا

يضيق صدري ليا من حان وقت المغيب

ويودع الضيق نور الصبح لامن ضوا

مابين فكره وتركيبه ومسرا وجيب

احساسي الصادق يحركه نسمة هوا

أحتاج لي سجه وعزله وفيضة شعيب

مابين ليلن سرا برقه وذيبن عوا

وأحتاج راحة ضمير وهرج عقلن لبيب

والهاجس ان زان جوه للقصيد انتوا

إبداعك ايقلطك في كل صدرن رحيب

وانا قصيدي من البحر الجزيل ارتوا

اقلوب من حبنا ابيض من رغاة الحليب

وشلي بمن قلبه ونيته نص استوا

خلك مع الوقت والايام عابر واديب

هرجن مايطرب سماعه عرضه للهوا

تعيش وتشوف واجد فالزمان العجيب

زمان شيخ الفلاش  وصانع المحتوا

على العموم امدح الطيب وافاخر وأطيب

( زبن ) وفعله عطا الشاعر شغف واهتوا

يمدح طويل الذراع اللي يحل الصعيب

مايمدح اللي ليا طال الطريق التوا

يا ابوطلال انت مثل الاخو واوفا صحيب

اسمك وفعلك ومدحك يرفع المستوا

من النعم ماخذ اكبر قسم واعلى نصيب

سمعتك بالطيب وردتك عدود الروا

مكارمك  بحر جود وسيرتك نفح طيب

من قال انا اشبه فعوله قلت مالك لوا

والهقوه اللي براسك يازبن ماتخيب

عزالله الشاعر اللي يمدحك ماغوا

سيرة فخر نفتخر فيها بعيد وقريب

من ساحل البحر الأحمر لا عيون الجوا

فيك الظنون الكبيره والهقاوي تصيب

وريث شيخن بطيبه كل راوي روا

كليب لو مات تبقا سيرته  ماتغيب

شيخ الكرم بينه وبين الشيوخ انهوا

والله ماتلقا ردين في سلالة كليب

الله خلقهم يعشقون الجمايل سوا

والوصفه اللي تكفي عن ا علاج  الطبيب

حبة خشم كل عياشي علاج ودوا

الطيّب ان شاف فعل اخوان نوره يطيب

والحاسد .إن شاف فعل الطيبين انزوا

هل فزغه ونخوه وطاله وساسن عريب

مقدم قبيلة بني صامل وأهم القوا

الاد صامل هل ااصمله هلاك الحريب

تاريخهم بأطيب أنواع المفاخر حوا