كلمات اغنية ضحكتي ذنبها ماينغفر لو اتوب خالد ال بريك 2024

كل ذعذاع شرق وكل حزْة غروب

ينتل الضيق ونس الارض بيدينها

يِنتق الدمع ذِكر مجرييّن الهيوب

عصبةٍ.. معهم الشدات يا هوينها

ضحكتي ذنبها ما ينغفر لو اتوب

عقبهم من وفاي اقول يا شيّنها

ما يعل الفراق إلا نظاف القلوب

يهلك الانقياء فرقى محبينها

ادركي ماتبقى من صبر يا عروب

وكلمةٍ ما تسرك لا تقولينها

لو نحرك القلادة تحتويه وتذوب

وانتشيّ مع حرَكاتٍ تسوينها

الحجازي لوْن الماء يخض ويروب

نفسه الساميه مايقبل يّهينها

مالي القلب قبلك حب بكرٍ لعوب

يوم اعلمك وتقولين من زينها

فوضوياً ينظمني حلول الوجوب

والمواجيب هذي ما تعرفينها

من صواديف وقته عان وجه شحوب

والليالي عليه تحد سكينها

لو ضحك لك على الضحكه تراه مغصوب

وده ان السنين ترجع سنينها

في حقوق الرفاقه مانعرف الغيوب

والمطاليق ينصر ديني ودينها

كل فكره فريده مثل وبلٍ نصوب

لاجل راكان امشيها برجلينها

ياولد عيد والطاله تراها شبوب

وانت من روسها واشهر سلاطينها

دام راسي وراسك فالعمار محسوب

المصايب تهون وتنكسر عينها

ابطش الارض ياراكان من كل صوب

واضرب مّجنن العالم بصاحينها

عندنا للعدو حربه ونار شبوب

وعزوتن مايهز الموت صفينها

صف برقا وروق اللي تشن الحروب

لابةٍ سطّر التاريخ تمكينها

ياخوال الرسول اللي بهديه نتوب

كاسرٍ شوكة الكفّار ومهينها

ذكركم شرق ولا غرب ولا جنوب

كل دارٍ نجي فيها ماجا زينها

يابن مستور ستر العيطموس اللعوب

انت عيد النشاما اللي شكت دينها

راس قومٍ تقدّر قيمته ومهيوب

اترك اللي تقدرها ملايينها

انت لو تستلم مفتاح بنك الشعوب

والله لتمسك المليار وتهينها

ياذخاير محمد جعل غر النصوب

فوق قبر الحويماني ودادينها

راح عودٍ كريم وجا كريمٍ ينوب

مايعرف الدراهم كيف تخزينها