كلمات اغنية قدوة الابطال خالد ال بريك 2024

يا ليل المطر ودان واللي وراه اعلوم

مع الناس متواجد وتبحر به افكاره

يشوف الكرامه غاليه ماهيب للسوم

ما طاوع عليها الوقت والنفس الامّاره

ولا دور مقامه في الفلاشات ولا الزوم

ما دامه فرض بين الريجيل مقداره

من يهين نفسه لا يلحق زمانه لوم

لامن الزمن داره بكفٍ من يساره

ماتوخذ ونعم بـ هرج فاضي وحب اخشوم

تجي بالخساير ماهي امجرد اعباره

ترا المال ما يخدم ضعيف العزايم يوم

وقوي العزوم يجيبه وينفض اغباره

للامداح وقت وللنشاما فرص واقسوم

وانا شاعرٍ عندي من اللول محّاره

قصيدٍ يطير من عيون الرجال النوم

مضارب حروفه تصنع احداث واثاره

سلامي على سلطان منا لدوم الدوم

فخر واعتزاز وطولنا طولة اشباره

نعلق هقاوينا على الشامخ المزموم

ركن واعلمٍ تشتب فوق العدا ناره

فخر في نفود السر ولا فخر فـ نيوم

مراجل ومجدٍ قام يمتد تياره

امجدد سير هذال وابا العلا والتوم

جماهيره الامداح وعتيبه انصاره

هذا قدوة الابطال والصارم الزيزوم

ثبت وارتكى لاسمٍ ملا الكون بـ اذكاره

هذا سيفنا اللي لا مصدّي ولا مثلوم

هذا مدجلٍ حدّه يجرّي على الغاره

هذا قبّةٍ تذري لاجا فالعلوم اعلوم

تحتها تشوف اطلق شنب واقدم اماره

تجي وقفته مثل الفرج فـ اعين المكلوم

لا ذاق الغبن واستبدل الامن بـ اخطاره

يابو همٍ اكبر من جبال الهدا مخدوم

ليا جيت شرق العاصمه خذلك ازياره

على قصر مطنوخٍ عليه الحشود ردوم

يضيّق عدد زوارته مدخل الحاره

تراحيبه تمر المجره نجوم نجوم

صداها يخلي معنويّتك جبّاره

وتحفويه يقضي لازمك من قبل لاتقوم

تشوف العشاء فـ عيونه اكبر من اعذاره

ياخو غيث منجى الخايف وفزعة المضيوم

نشوفك عوضنا فـ اصوكٍ تحمد اذكاره

ابوك اللي طروقه لها فالرجال اوسوم

تتعب كبير العمّه متعّب امهاره

رهاوي فعل واسمه يكحل عيون القوم

ثلاثة حروف اثقل من الصين باسواره

لفاء قمّة التاريخ والموقف المحسوم

وشخصيةٍ تكرارها صعب تكراره

عسى قبر ابو سلطان للرافق المرحوم

يفجر بـ قبره عين عذبه وفوّاره

وربعي ليا صارت عزاوي ولطم اخشوم

كم امجوخٍ قد صبوا الماء على ناره

ما يصبر لا لاوعناه بمذلقٍ مسموم

لو انه مع صبر المهادي على جاره

من يفكر يطول الشيابين مال القوم

ما يلقى من يشيله سوا يدين قبّاره

اهل مجدٍ مشيّد بـ صطوه وقو اعزوم

ركون الفخر وادهى دواهيه واكباره

من الابه اللي مايجي حقها مهضوم

يوم ان الزمن مجحف والايام جبّاره

محاديرهم تصحيك يا طبلة المنجوم

من النايف اللي يهلك الخيل مشواره

تمثنت فقارة نجد قوّه ماهيب اعلوم

ليا هازها الطمّاع يرجع وهو كاره

عتيبه اهل طاله وتاريخ واهل اسلوم

ماعاشوا على التسويف والكذب والباره